ജല അതോറിറ്റി എൻ.ഒ.സി നൽകി പൈപ്പ് ലൈൻ റോഡ് പുനരുദ്ധാരണം ഉടൻ

ആ​ലു​വ: കാ​ല​ങ്ങ​ളാ​യി ത​ക​ർ​ന്ന് കി​ട​ക്കു​ന്ന പൈ​പ്പ് ലൈ​ൻ റോ​ഡി​ന്‍റെ പു​ന​രു​ദ്ധാ​ര​ണം ഉ​ട​ൻ ആ​രം​ഭി​ക്കും. ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്ക് ജ​ല അ​തോ​റി​റ്റി എ​ൻ.​ഒ.​സി ന​ൽ​കി​യി​ട്ടു​ണ്ട്. ഇ​തോ​ടെ​യാ​ണ് റോ​ഡി​ന്‍റെ​ ശാ​പ​മോ​ക്ഷ​ത്തി​ന് വ​ഴി​യൊ​രു​ങ്ങി​യ​ത്. ചൂ​ർ​ണി​ക്ക​ര ഗ്രാ​മ​പ​ഞ്ചാ​യ​ത്തി​ലൂ​ടെ പോ​കു​ന്ന റോ​ഡി​ന്‍റെ ഭാ​ഗ​ങ്ങ​ളി​ലാ​ണ് കൂ​ടു​ത​ൽ ത​ക​ർ​ച്ച. ചൂ​ർ​ണി​ക്ക​ര ഗ്രാ​മ​പ​ഞ്ചാ​യ​ത്തി​ലെ ര​ണ്ട് മു​ത​ൽ ആ​റു​വ​രെ വാ​ർ​ഡു​ക​ളി​ലൂ​ടെ​യും 11, 12 എ​ന്നീ വാ​ർ​ഡു​ക​ളി​ലൂ​ടെ​യും റോ​ഡ് ക​ട​ന്നു പോ​കു​ന്നു​ണ്ട്. വ​ർ​ഷ​ങ്ങ​ളാ​യി പ​ണി ന​ട​ക്കാ​ത്ത​തി​നാ​ൽ പ​ല ഭാ​ഗ​ത്തും വ​ലി​യ കു​ഴി​ക​ളാ​ണ്.

റോ​ഡ് ന​ന്നാ​ക്ക​ണ​മെ​ന്ന് നാ​ട്ടു​കാ​ർ കാ​ല​ങ്ങ​ളാ​യി ആ​വ​ശ്യ​പ്പെ​ടു​ന്നു​ണ്ട്. ശോ​ച​നീ​യാ​വ​സ്ഥ ചൂ​ണ്ടി​ക്കാ​ട്ടി ചൂ​ർ​ണി​ക്ക​ര ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി ജ​ല അ​തോ​റി​റ്റി​യെ സ​മീ​പി​ച്ചി​രു​ന്നു. എ​ന്നാ​ൽ, യാ​തൊ​രു അ​നു​കൂ​ല ന​ട​പ​ടി​യും ഉ​ണ്ടാ​കാ​തെ വ​ന്ന​തോ​ടെ പ​ഞ്ചാ​യ​ത്ത് ഭ​ര​ണ​സ​മി​തി അ​ൻ​വ​ർ സാ​ദ​ത്ത് എം.​എ​ൽ.​എ​യെ സ​മീ​പി​ച്ച് ജ​ന​ങ്ങ​ൾ അ​നു​ഭ​വി​ക്കു​ന്ന ദു​രി​തം അ​റി​യി​ച്ചു. തു​ട​ർ​ന്ന്​ ജി​ല്ല പ​ഞ്ചാ​യ​ത്ത് നെ​ടു​മ്പാ​ശേ​രി ഡി​വി​ഷ​ൻ അം​ഗം എം.​ജെ ജോ​മി ത​ന്‍റെ ഡി​വി​ഷ​നി​ലെ ഫ​ണ്ട് എ​ട​ത്ത​ല ഡി​വി​ഷ​നി​ലെ ഈ ​റോ​ഡി​ന്​ അ​നു​വ​ദി​ക്കു​ക​യു​മാ​യി​രു​ന്നു.

ഒ​രു കോ​ടി രൂ​പ​യാ​ണ് അ​നു​വ​ദി​ച്ച​ത്. ചൂ​ർ​ണി​ക്ക​ര പ​ഞ്ചാ​യ​ത്തി​ന്‍റെ ആ​ലു​വ അ​തി​ർ​ത്തി​യാ​യ നി​ർ​മ​ല സ്കൂ​ൾ മു​ത​ൽ ക​ള​മ​ശേ​രി അ​തി​ർ​ത്തി​യാ​യ കു​ന്ന​ത്തേ​രി വ​രെ​യു​ള്ള പൈ​പ്പ് ലൈ​ൻ റോ​ഡാ​ണ് ന​വീ​ക​രി​ക്കു​ന്ന​ത്.