ആലുവയിൽ എന്നു വരും പുതിയ മേൽപാലം; കാത്തിരിപ്പ് നീളുന്നു

ആ​ലു​വ: റെ​യി​ൽ​വേ സ്റ്റേ​ഷ​നി​ൽ പ്ലാ​റ്റ്‌​ഫോ​മു​ക​ളെ ബ​ന്ധി​പ്പി​ക്കു​ന്ന പു​തി​യ മേ​ൽ​പ്പാ​ല​ത്തി​ന് കാ​ത്തി​രി​പ്പ് നീ​ളു​ന്നു. ഒ​ന്നും മൂ​ന്നും പ്ലാ​റ്റ് ഫോ​മു​ക​ളെ ബ​ന്ധ​പ്പെ​ടു​ത്തി​യാ​ണ് തെ​ക്ക് ഭാ​ഗ​ത്ത് പു​തി​യ കാ​ൽ​ന​ട മേ​ൽ​പാ​ലം നി​ർ​മി​ക്കു​ന്ന​ത്. ആ​രം​ഭി​ച്ചി​ട്ട്​ വ​ർ​ഷ​ങ്ങ​ളാ​യെ​ങ്കി​ലും പ​ണി​ക​ൾ ഇ​ഴ​ഞ്ഞു​നീ​ങ്ങു​ക​യാ​ണ്. ഇ​രു​മ്പ് തൂ​ണു​ക​ൾ സ്ഥാ​പി​ച്ചി​ട്ട് നാ​ളേ​റെ​യാ​യി. മേ​ൽ​ക്കൂ​ര​യു​ടെ പ്ലാ​റ്റ് ഫോം ​നി​ർ​മാ​ണ​മാ​ണ് ത​ട​സ്സ​പ്പെ​ട്ടു കി​ട​ക്കു​ന്ന​ത്. പ്ലാ​റ്റ് ഫോം ​സ്ഥാ​പി​ക്കു​ന്ന​തി​ന് വൈ​ദ്യു​തി ഓ​ഫാ​ക്കു​ന്ന​തി​നു​ള്ള അ​നു​മ​തി ല​ഭി​ക്കാ​ത്ത​താ​ണ് നി​ർ​മാ​ണം വൈ​കു​ന്ന​തെ​ന്ന് ക​രാ​റു​കാ​ർ പ​റ​യു​ന്നു. ഒ​ന്ന​ര മാ​സം മു​മ്പ് ക​രാ​റു​കാ​ർ ക​മീ​ഷ​ണ​ർ ഓ​ഫ് റെ​യി​ൽ​വേ സേ​ഫ്റ്റി മു​മ്പാ​കെ വൈ​ദ്യു​തി ലൈ​ൻ ഓ​ഫാ​ക്കു​ന്ന​തി​ന് അ​നു​മ​തി തേ​ടി ക​ത്ത് ന​ൽ​കി​യി​രു​ന്നു. എ​ന്നാ​ൽ, ഇ​തു​വ​രെ തീ​രു​മാ​ന​മാ​യി​ട്ടി​ല്ല. ട്രെ​യി​നു​ക​ൾ കു​റ​വു​ള്ള ദി​വ​സം കൂ​ടി പ​രി​ശോ​ധി​ച്ച് വൈ​ദ്യു​തി ഓ​ഫാ​ക്കു​ന്ന​തി​നു​ള്ള ശ്ര​മ​മാ​ണ് ന​ട​ത്തു​ന്ന​തെ​ന്നാ​ണ് റെ​യി​ൽ​വേ​യു​ടെ വി​ശ​ദീ​ക​ര​ണം.

ര​ണ്ട് വ​ർ​ഷം മു​മ്പാ​ണ് മേ​ൽ​പാ​ലം നി​ർ​മാ​ണം ആ​രം​ഭി​ച്ച​തെ​ങ്കി​ലും ഇ​തി​നി​ടെ ര​ണ്ട് ക​രാ​റു​കാ​ർ ഉ​പേ​ക്ഷി​ച്ച് പോ​യി. ആ​റ് മാ​സം മു​മ്പാ​ണ് ഉ​ത്ത​രേ​ന്ത്യ​ക്കാ​രാ​യ മൂ​ന്നാ​മ​ത്തെ ക​രാ​റു​കാ​രെ​ത്തി​യ​ത്.