പരിസ്ഥിതി സംരക്ഷണ വേദി സംസ്ഥാന കൺവൻഷൻ

ആലുവ: പരിസ്ഥിതി സംരക്ഷണ വേദി സംസ്ഥാന നേതൃത്വ കൺവൻഷനും ഡോ.എ.എസ് ശബ്നം അനുസ്മരണ സമ്മേളനവും സംഘടിപ്പിച്ചു. ആലുവ വൈ.എം.സി.എ ഓഡിറ്റോറിയത്തിൽ നടന്ന പരിപാടി രക്ഷാധികാരി എ. കെ നാരായണൻ ഉദ്ഘാടനം ചെയ്തു. സംസ്ഥാന പ്രസിഡന്‍റ് ഇളമന ഹരിദാസ് മുഖ്യപ്രഭാഷണം നടത്തി. മലിനീകരണ നിർമാർജന ബോധവൽക്കരണ ക്ലാസിന് അഡ്വ. അയ്യപ്പദാസ് നേതൃത്വം നൽകി. സംസ്ഥാന ജനറൽ സെക്രട്ടറി സുഭാഷ് തമ്മാനിമറ്റം സംസാരിച്ചു. പരിസ്ഥിതി സംരക്ഷണ വേദി സംസ്ഥാന പ്രസിഡന്‍റായി ഇളമന ഹരിദാസിനെയും സെക്രട്ടറിയായി സുഭാഷ് തമ്മാനിമറ്റത്തെയും വീണ്ടും തെരഞ്ഞെടുത്തു.