മോഫിയ പർവിൺ ആത്മഹത്യ കേസ് ; സി.ഐയുടെ സസ്‌പെൻഷൻ പിൻവലിച്ചത് പ്രതിഷേധാർഹമെന്ന് എം.എൽ.എ

ആലുവ: മോഫിയ പർവിൺ എന്ന നിയമ വിദ്യാർഥിനി ആത്മഹത്യ ചെയ്ത സംഭവത്തിൽ സസ്പെൻഷനിലായിരുന്ന ആലുവ ഈസ്‌റ്റ് പൊലീസ് സ്റ്റേഷനിലെ സർക്കിൾ ഇൻസ്പെക്ടറുടെ സസ്പെൻഷൻ പിൻവലിച്ച് സർവ്വീസിൽ തിരികെ എടുത്തത് പ്രതിഷേധാർഹമാണെന്ന് അൻവർ സാദത്ത് എം.എൽ.എ. ഈ വിഷയത്തിൽ തനിക്കുള്ള പ്രതിഷേധം എം.എൽ.എ മുഖ്യമന്ത്രി പിണറായി വിജയന് കത്തെഴുതി അറിയിച്ചു. സസ്പെൻഷൻ പിൻവലിച്ച നടപടി റദ്ദ് ചെയ്യണം. സി.ഐക്കെതിരെ ആത്മഹത്യാ പ്രേരണ കുറ്റത്തിന് പുനരന്വേഷണം നടത്തണമെന്നും പ്രതി ചേർത്ത് പുതുക്കിയ കുറ്റപത്രം തയ്യാറാക്കുന്നതിനുള്ള നടപടികൾ സ്വീകരിക്കണമെന്നും എം.എൽ.എ ആവശ്യപ്പെട്ടു.