ഫേ​സ്​​ബു​ക്ക്​ വ​ഴി പരിചയപ്പെട്ട്​ 20 ല​ക്ഷം തട്ടിയെടുത്ത മി​സോ​റം സ്വ​ദേ​ശി​നി അറസ്റ്റിൽ

ആ​ലു​വ: ഫേ​സ്​​ബു​ക്ക്​ വ​ഴി പ​രി​ച​യ​പ്പെ​ട്ട യു​വാ​വി​ൽ​നി​ന്ന്​ 20 ല​ക്ഷം രൂ​പ ത​ട്ടി​യെ​ടു​ത്ത മി​സോ​റം സ്വ​ദേ​ശി​നി ലാ​ൽ​ച്വാ​ൻ​താ​ങ്ങി​യെ (47) ആ​ലു​വ സൈ​ബ​ർ പൊ​ലീ​സ് അ​റ​സ്റ്റ് ചെ​യ്തു.

ജോ​ർ​ഡ​നി​ൽ ജോ​ലി ചെ​യ്യു​ന്ന അ​ങ്ക​മാ​ലി സ്വ​ദേ​ശി​ക്കാ​ണ് പ​ണം ന​ഷ്ട​പ്പെ​ട്ട​ത്. യു.​കെ വം​ശ​ജ​യാ​ണെ​ന്നും ഇ​ന്ത്യ​യി​ൽ സ്വ​ർ​ണ ബി​സി​ന​സ് ന​ട​ത്താ​ൻ താ​ൽ​പ​ര്യ​മു​ണ്ടെ​ന്നും യു​വ​തി അ​ങ്ക​മാ​ലി സ്വ​ദേ​ശി​യെ അ​റി​യി​ച്ചു. കൊ​ച്ചി​യി​ലേ​ക്ക് വ​രു​ന്നു​ണ്ടെ​ന്നും ഡ​ൽ​ഹി​യി​ലേ​ക്കാ​ണ് വി​മാ​ന ടി​ക്ക​റ്റ് കി​ട്ടി​യ​തെ​ന്ന് പ​റ​ഞ്ഞു. വി​മാ​ന​ത്തി​ലി​രി​ക്കു​ന്ന​തി​ന്‍റെ ചി​ത്രം അ​യ​ച്ചു​കൊ​ടു​ക്കു​ക​യും ചെ​യ്തു..

തു​ട​ർ​ന്ന്​ ത​ന്‍റെ കൈ​വ​ശ​മു​ണ്ടാ​യി​രു​ന്ന മൂ​ന്നു​കോ​ടി​യു​ടെ ഡി​മാ​ൻ​ഡ്​ ഡ്രാ​ഫ്റ്റ്‌ ഡ​ല്‍ഹി എ​യ​ര്‍പോ​ര്‍ട്ടി​ല്‍ ക​സ്റ്റം​സ് പി​ടി​കൂ​ടി​യെ​ന്നു​പ​റ​ഞ്ഞ് യു​വ​തി​യു​ടെ സ​ന്ദേ​ശം യു​വാ​വി​ന്​ ല​ഭി​ച്ചു. വി​ട്ടു​കി​ട്ടാ​നു​ള്ള ക്ലി​യ​റ​ൻ​സി​നു​വേ​ണ്ടി പ​ണം ആ​വ​ശ്യ​പ്പെ​ടു​ക​യും ചെ​യ്തു. യു​വാ​വ് പ​ല​രി​ൽ​നി​ന്ന്​ 20 ല​ക്ഷ​ത്തി​ലേ​റെ രൂ​പ വാ​ങ്ങി യു​വ​തി​ക്ക​യ​ച്ചു​കൊ​ടു​ത്തു.

പി​ന്നെ ഇ​വ​രെ​ക്കു​റി​ച്ച് ഒ​രു​വി​വ​ര​വും ഉ​ണ്ടാ​യി​ല്ല. തു​ട​ർ​ന്ന് പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പ്ര​ത്യേ​ക​സം​ഘം രൂ​പ​വ​ത്ക​രി​ച്ച് ന​ട​ത്തി​യ ശാ​സ്ത്രീ​യ അ​ന്വേ​ഷ​ണ​ത്തി​ൽ ഡ​ൽ​ഹി വ​സ​ന്ത് വി​ഹാ​ർ മെ​ട്രോ സ്റ്റേ​ഷ​ന് സ​മീ​പ​ത്തു​നി​ന്നു​മാ​ണ് യു​വ​തി​യെ പി​ടി​കൂ​ടി​യ​ത്. ഡ​ൽ​ഹി​യി​ൽ പ​ല​ച​ര​ക്ക്​ ക​ട ന​ട​ത്തു​ക​യാ​യി​രു​ന്നു യു​വ​തി.