അന്തർ സംസ്ഥാന തൊഴിലാളികളുടെ മൂന്നു വയസായ മകളെ ലൈംഗികമായി ഉപദ്രവിച്ച കേസിൽ യുവാവ് അറസ്റ്റിൽ

ആലുവ: മുപ്പത്തടത്ത് അതിഥി തൊഴിലാളികളുടെ മൂന്നു വയസായ മകളെ ലൈംഗികമായി ഉപദ്രവിച്ച കേസിൽ യുവാവ് അറസ്റ്റിൽ. ഉത്തർപ്രദേശ് സ്വദേശി ഗോവിന്ദാണ് (22) ബിനാനിപുരം പൊലീസിൻറെ പിടിയിലായത്. കഴിഞ്ഞ ദിവസം രാത്രിയാണ് സംഭവം.

എടയാറിലെ പെയിൻറ് കമ്പനി ജീവനക്കാരാനായ ഇയാൾ സുഹൃത്തുക്കളൊത്താണ് മുപ്പത്തടത്ത് താമസിക്കുന്നത്. കുട്ടിയുടെ അമ്മയുടെ പരാതിയിലാണ് കേസെടുത്ത് അന്വേഷണം നടത്തിയത്. ഇൻസ്പെക്ടർ വി.ആർ.സുനിൽ, സബ് ഇൻസ്പെക്ടർ ടി.കെ.സുധീർ, എസ്.സി.പി.ഒമാരായ സുനിൽ കുമർ, ഷിഹാബ് എന്നിവർ ചേർന്നാണ് പ്രതിയെ അറസറ്റ് ചെയ്തത്.