പൊളിച്ചുമാറ്റാതെ പ​ഴ​യ മീ​ഡി​യ​ൻ: ദേ​ശീ​യ​പാ​തയിൽ ആലുവ തോട്ടക്കാട്ടുകരയിലാണ്​ ഈ അപകടക്കുരുക്ക്

ആ​ലു​വ: പ​ഴ​യ മീ​ഡി​യ​ൻ നീ​ക്കം ചെ​യ്യു​ന്ന കാ​ര്യ​ത്തി​ൽ അ​ധി​കൃ​ത​ർ കാ​ട്ടു​ന്ന അ​ലം​ഭാ​വം ദേ​ശീ​യ​പാ​ത തോ​ട്ട​ക്കാ​ട്ടു​ക​ര ക​വ​ല​​യെ അ​പ​ക​ട​ങ്ങ​ളു​ടെ കേ​ന്ദ്ര​മാ​ക്കി മാ​റ്റു​ന്നു. ഇ​വി​ടെ​യു​ണ്ടാ​യ അ​പ​ക​ട​ങ്ങ​ളി​ൽ ഒ​​ട്ടേ​റെ പേ​രു​ടെ ജീ​വ​നും പൊ​ലി​ഞ്ഞി​ട്ടു​ണ്ട്. മാ​ർ​ത്താ​ണ്ഡ വ​ർ​മ പാ​ല​ത്തി​ന് സ​മാ​ന്ത​ര പാ​ലം വ​ന്ന​തോ​ടെ തോ​ട്ട​ക്കാ​ട്ടു​ക​ര ക​വ​ല കു​പ്പി​ക്ക​ഴു​ത്താ​യി മാ​റി​യ​പ്പോ​ൾ പ​റ​വൂ​ർ ക​വ​ല​ക്കും തോ​ട്ട​ക്കാ​ട്ടു​ക​ര​ക്കും ഇ​ട​യി​ൽ റോ​ഡ്​ വീ​തി കൂ​ട്ടാ​ൻ സ്ഥ​ലം ഏ​റ്റെ​ടു​ത്തെ​ങ്കി​ലും നി​ർ​മാ​ണം മു​ന്നോ​ട്ട് പോ​യി​ല്ല. ഇ​തി​നി​ട​യി​ൽ ന​ഗ​ര​സ​ഭ അ​ധി​കൃ​ത​ർ ഇ​ട​പെ​ട്ട​തോ​ടെ തോ​ട്ട​ക്കാ​ട്ടു​ക​ര ക​വ​ല​യി​ൽ മാ​ത്രം കു​റ​ച്ച് ഭാ​ഗ​ത്ത്​ വീ​തി കൂ​ട്ടി.

റോ​ഡി​െൻറ വ​ള​വ്​ നി​വ​ർ​ത്തി​യ​പ്പോ​ൾ പ​ഴ​യ ദി​ശ​യി​ലു​ള്ള റോ​ഡി​െൻറ പ​ടി​ഞ്ഞാ​റ് ഭാ​ഗം സ​ർ​വി​സ് റോ​ഡ് പോ​ലെ മാ​റി. എ​ന്നാ​ൽ, ഈ ​ഭാ​ഗം സ​ർ​വി​സ് റോ​ഡാ​ക്കി അ​തി​ർ​ത്തി കെ​ട്ടു​ക​യോ പ​ഴ​യ മീ​ഡി​യ​ൻ എ​ടു​ത്തു ക​ള​യു​ക​യോ ചെ​യ്യാ​ത്ത​തി​നാ​ൽ പാ​ലം ഇ​റ​ങ്ങി ചെ​ല്ലു​ന്ന വാ​ഹ​ന​ങ്ങ​ൾ ര​ണ്ടു​വ​ഴി​യി​ലൂ​ടെ​യും ഓ​ടു​ന്ന അ​വ​സ്​​ഥ​യാ​ണ്. ഇ​താ​ണ് അ​പ​ക​ട​ങ്ങ​ൾ​ക്ക് ഇ​ട​യാ​ക്കു​ന്ന​ത്.

പ​ഴ​യ മീ​ഡി​യ​നി​ൽ വാ​ഹ​ന​ങ്ങ​ളി​ടി​ച്ചു ക​യ​റി ഒ​​ട്ടേ​റെ അ​പ​ക​ട​ങ്ങ​ളാ​ണു​ണ്ടാ​യി​ട്ടു​ണ്ട്. രാ​ത്രി​യി​ൽ അ​പ​ക​ട​ങ്ങ​ൾ പ​തി​വാ​ണ്. വ​ർ​ഷ​ങ്ങ​ളാ​യി തു​ട​രു​ന്ന ഈ ​അ​വ​സ്‌​ഥ​ക്ക്​ പ​രി​ഹാ​ര​മു​ണ്ടാ​ക്കാ​ൻ ന​ട​പ​ടി​ക​ളൊ​ന്നു​മി​ല്ല. ന​ഗ​ര​സ​ഭ, ട്രാ​ഫി​ക് പൊ​ലീ​സ് തു​ട​ങ്ങി​യ​വ​ർ മീ​ഡി​യ​ൻ പൊ​ളി​ച്ചു​ക​ള​യ​ണ​മെ​ന്ന് പ​ല​ത​വ​ണ ആ​വ​ശ്യ​പ്പെ​ട്ടെ​ങ്കി​ലും ദേ​ശീ​യ പാ​ത വി​ഭാ​ഗം അ​ന​ങ്ങി​യി​ട്ടി​ല്ല.

വ​ർ​ഷ​ങ്ങ​ൾ​ക്ക് മു​മ്പ് ട്രാ​ഫി​ക് അ​ഡ്വൈ​സ​റി ക​മ്മി​റ്റി ഉ​ട​ൻ മീ​ഡി​യ​ൻ പൊ​ളി​ച്ചു ക​ള​യാ​ൻ ദേ​ശീ​യ​പാ​ത അ​ധി​കൃ​ത​ർ​ക്ക് അ​ന്ത്യ​ശാ​സ​നം ന​ൽ​കി​യി​രു​ന്നു. അ​വ​ർ പൊ​ളി​ച്ചി​ല്ലെ​ങ്കി​ൽ ക​മ്മി​റ്റി​യു​ടെ നേ​തൃ​ത്വ​ത്തി​ൽ പൊ​ളി​ച്ചു നീ​ക്കാ​നും തീ​രു​മാ​ന​മെ​ടു​ത്തു. എ​ന്നാ​ൽ, ദേ​ശീ​യ​പാ​ത അ​ധി​കൃ​ത​രോ ക​മ്മി​റ്റി​യോ ഇ​തു​വ​രെ മീ​ഡി​യ​ൻ നീ​ക്കം ചെ​യ്യാ​ൻ ത​യാ​റാ​യി​ട്ടി​ല്ല.