ജൽജീവൻ കുടിവെള്ള പദ്ധതി; കുഞ്ഞുണ്ണിക്കരയിലെ റോഡുകൾ തകർന്നു

ആ​ലു​വ: കു​ഞ്ഞു​ണ്ണി​ക്ക​ര ദ്വീ​പി​ലെ റോ​ഡു​ക​ൾ ത​ക​ർ​ന്നു. ജ​ല​ജീ​വ​ൻ കു​ടി​വെ​ള്ള പ​ദ്ധ​തി​യു​മാ​യി ബ​ന്ധ​പ്പെ​ട്ട് പൈ​പ്പു​ക​ൾ സ്ഥാ​പി​ക്കാ​നെ​ടു​ത്ത കു​ഴി​ക​ൾ യ​ഥാ​സ​മ​യം മൂ​ടി റോ​ഡ് അ​റ്റ​കു​റ്റ​പ്പ​ണി​ക​ൾ ന​ട​ത്താ​തി​രു​ന്ന​താ​ണ് കാ​ര​ണം. ക​ടു​ങ്ങ​ല്ലൂ​ർ ഗ്രാ​മ​പ​ഞ്ചാ​യ​ത്ത് ഏ​ഴാം വാ​ർ​ഡാ​യ കു​ഞ്ഞു​ണ്ണി​ക്ക​ര​യി​ലെ റോ​ഡു​ക​ൾ പൂ​ർ​ണ​മാ​യും നാ​മാ​വ​ശേ​ഷ​മാ​യ അ​വ​സ്ഥ​യി​ലാ​ണ്.

വാ​ർ​ഡി​ൽ മു​മ്പ്​ കു​ടി​വെ​ള്ള പൈ​പ്പ് ലൈ​ൻ ഉ​ണ്ടാ​യി​രു​ന്നി​ല്ല. അ​തി​നാ​ൽ​ത​ന്നെ പൈ​പ്പ് ലൈ​ൻ സ്ഥാ​പി​ക്കു​ന്ന​തി​നാ​യി മു​ഖ്യ റോ​ഡു​ക​ൾ ഉ​ൾ​പ്പെ​ടെ എ​ല്ലാ റോ​ഡു​ക​ളും ഇ​ട​വ​ഴി​ക​ളും പൊ​ളി​ക്കേ​ണ്ടി​വ​ന്നു. എ​ന്നാ​ൽ, പൈ​പ്പി​ടാ​ൻ കു​ഴി​ച്ച കു​ഴി​ക​ൾ യ​ഥാ​സ​മ​യം മൂ​ടു​ക​യോ കു​ഴി​യെ​ടു​ത്ത ഭാ​ഗ​ങ്ങ​ളി​ൽ അ​റ്റ​കു​റ്റ​പ്പ​ണി​ക​ൾ ന​ട​ത്തു​ക​യോ ചെ​യ്തി​ല്ല.

ഇ​തി​നി​ട​യി​ൽ കാ​ല​വ​ർ​ഷം ക​ന​ത്ത​തോ​ടെ കു​ഴി​ക​ളി​ൽ വെ​ള്ള​ക്കെ​ട്ട് രൂ​പ​പ്പെ​ട്ട് റോ​ഡു​ക​ൾ പൂ​ർ​ണ​മാ​യും ത​ക​രു​ക​യാ​യി​രു​ന്നു. പൊ​തു​ഗ​താ​ഗ​ത സൗ​ക​ര്യ​മി​ല്ലാ​ത്ത ഗ്രാ​മ​ത്തി​ൽ സ്ത്രീ​ക​ളും കു​ട്ടി​ക​ളും യാ​ത്ര​ക്കാ​യി ആ​ശ്ര​യി​ക്കു​ന്ന ഓ​ട്ടോ​റി​ക്ഷ​ക​ൾ റോ​ഡി​ന്‍റെ ശോ​ച്യാ​വ​സ്ഥ കാ​ര​ണം യാ​ത്ര​ക്ക് ത​യാ​റാ​വു​ന്നി​ല്ല.

റോ​ഡു​ക​ൾ​ക്ക് ഫ​ണ്ട് അ​നു​വ​ദി​ക്കാ​ൻ വി​മു​ഖ​ത കാ​ണി​ക്കു​ന്ന അ​ധി​കാ​രി​ക​ളു​ടെ നി​സ്സം​ഗ​ത അ​വ​സാ​നി​പ്പി​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ന്നു. അ​ല്ലാ​ത്ത​പ​ക്ഷം ബ​ഹു​ജ​ന​പ്ര​ക്ഷോ​ഭം സം​ഘ​ടി​പ്പി​ക്കാ​നു​ള്ള ഒ​രു​ക്ക​ത്തി​ലാ​ണ് നാ​ട്ടു​കാ​ർ.