ഹീമോഫീലിയ സെന്‍റർ ഒമ്പതാം വയസ്സിലേക്ക്

ആ​ലു​വ: അ​ന്ത​ർ​ദേ​ശീ​യ അം​ഗീ​കാ​ര​ങ്ങ​ളോ​ടെ ആ​ലു​വ ഹീ​മോ​ഫീ​ലി​യ സെ​ന്‍റ​ർ ഒ​മ്പ​താം വ​യ​സ്സി​ലേ​ക്ക്. സം​സ്ഥാ​ന​ത്തെ സ​ർ​ക്കാ​ർ​ത​ല​ത്തി​ലെ ആ​ദ്യ​ത്തെ ഹീ​മോ​ഫീ​ലി​യ ട്രീ​റ്റ്മെൻറ് സെ​ന്‍റ​റി​ന് ഞാ​യ​റാ​ഴ്ച എ​ട്ട് വ​യ​സ്സ്​ പൂ​ർ​ത്തി​യാ​കും.

2014 ഫെ​ബ്രു​വ​രി 20 നാ​ണ് ആ​രം​ഭി​ച്ച​ത്. സെ​ന്‍റ​ർ സം​സ്ഥാ​ന​ത്തെ നി​ര​വ​ധി രോ​ഗി​ക​ളു​ടെ ആ​ശ്ര​യ​മാ​ണ്. ഡോ. ​വി​ജ​യ​കു​മാ​റാ​ണ് സെ​ന്‍റ​റി​ന്‌ നേ​തൃ​ത്വം ന​ൽ​കു​ന്ന​ത്. 1124 രോ​ഗി​ക​ളാ​ണ് ഇ​വി​ടെ ചി​കി​ത്സ​ക്ക്​ ര​ജി​സ്റ്റ​ർ ചെ​യ്തി​ട്ടു​ള്ള​ത്. രോ​ഗ​നി​ർ​ണ​യം, ഒ.​പി/​ഐ.​പി പ​രി​ച​ര​ണം, ഫി​സി​യോ​തെ​റ​പ്പി, കൗ​ൺ​സ​ലി​ങ്, വൊ​ക്കേ​ഷ​ന​ൽ റി​ഹാ​ബി​ലി​റ്റേ​ഷ​ൻ എ​ന്നി​വ ഒ​രു​കു​ട​ക്കീ​ഴി​ൽ ഒ​രു​ക്കു​ന്ന രാ​ജ്യ​ത്തെ ഏ​ക സ്ഥാ​പ​ന​മാ​ണി​ത്. ആ​ലു​വ സെ​ന്‍റ​ർ മി​ക​ച്ച രീ​തി​യി​ൽ മു​ന്നോ​ട്ട് പോ​യ​തോ​ടെ സം​സ്ഥാ​ന സ​ർ​ക്കാ​ർ എ​ല്ലാ ജി​ല്ല ആ​ശു​പ​ത്രി​ക​ളി​ലും തി​രു​വ​ന​ന്ത​പു​രം, കോ​ഴി​ക്കോ​ട് മെ​ഡി​ക്ക​ൽ കോ​ള​ജു​ക​ളി​ലും ഹീ​മോ​ഫീ​ലി​യ രോ​ഗി​ക​ൾ​ക്ക് ഡേ​കെ​യ​ർ ചി​കി​ത്സ​സൗ​ക​ര്യം ഒ​രു​ക്കി​യി​ട്ടു​ണ്ട്. വാ​ർ​ഷി​ക​ത്തോ​ട് അ​നു​ബ​ന്ധി​ച്ച് 18 വ​യ​സ്സി​ന് മു​ക​ളി​ലു​ള്ള, അം​ഗ​വൈ​ക​ല്യ​മു​ള്ള തെ​ര​ഞ്ഞെ​ടു​ക്ക​പ്പെ​ട്ട ഹീ​മോ​ഫീ​ലി​യ രോ​ഗി​ക​ൾ​ക്ക് ര​ക്ത​സ്രാ​വം ഇ​ല്ലാ​താ​ക്കാ​നു​ള്ള ചി​കി​ത്സ ന​ൽ​കും.

ജി​ല്ല പ​ഞ്ചാ​യ​ത്ത് ഫ​ണ്ട് ഉ​പ​യോ​ഗി​ച്ചാ​ണ് ചി​കി​ത്സ ന​ൽ​കു​ക. കു​ത്തി​വെ​പ്പ് എ​ടു​ക്കാ​ൻ ഞ​ര​മ്പ് കി​ട്ടാ​ൻ ബു​ദ്ധി​മു​ട്ടു​ള്ള മൂ​ന്ന് വ​യ​സ്സി​ന് താ​ഴെ​യു​ള്ള കു​ട്ടി​ക​ൾ​ക്ക് എ​മി​സ്യു​മാ​ബ് ചി​കി​ത്സ ല​ഭ്യ​മാ​ക്കും. ഒ​രു കു​ത്തി​വെ​പ്പി​ന് 60,000 രൂ​പ വി​ല​വ​രു​ന്ന ഈ ​കു​ത്തി​വെ​പ്പ് ആ​ഴ്ച​യി​ൽ ഒ​ന്നു​വീ​ത​മാ​ണ് തെ​ര​ഞ്ഞെ​ടു​ക്ക​പ്പെ​ടു​ന്ന ആ​റു​കു​ട്ടി​ക​ൾ​ക്ക് ല​ഭ്യ​മാ​ക്കു​ക. ഞാ​യ​റാ​ഴ്ച രാ​വി​ലെ 10.30 ന് ​ന​ട​ക്കു​ന്ന വാ​ർ​ഷി​കം അ​ൻ​വ​ർ സാ​ദ​ത്ത് എം.​എ​ൽ.​എ ഉ​ദ്ഘാ​ട​നം ചെ​യ്യും.