ടിക്കറ്റ് പോലും ലഭിക്കുന്നില്ല; ചൊവ്വര റെ​യി​ൽ​വേ സ്റ്റേഷനിൽ യാത്രക്കാർക്ക്​ റെഡ്​ സിഗ്നൽ

ആ​ലു​വ: ഗ്രാ​മീ​ണ പ്ര​ദേ​ശ​ത്തെ റെ​യി​ൽ​വേ സ്റ്റേ​ഷ​നാ​യ ചൊ​വ്വ​ര​യി​ൽ യാ​ത്ര​ക്കാ​ർ​ക്ക് ‘റെ​ഡ്​ സി​ഗ്ന​ൽ’. ഈ ​റെ​യി​ൽ​വേ സ്റ്റേ​ഷ​നി​ൽ നി​ർ​ത്തു​ന്ന ട്രെ​യി​നു​പോ​ലും അ​വി​ടെ​നി​ന്ന് ടി​ക്ക​റ്റ് ല​ഭി​ക്കു​ക​യി​ല്ല. ഞാ​യ​റാ​ഴ്ച രാ​വി​ലെ ഗു​രു​വാ​യൂ​ർ പാ​സ​ഞ്ച​റി​ന് പോ​കാ​നാ​യി ചൊ​വ്വ​ര റെ​യി​ൽ​വേ സ്റ്റേ​ഷ​നി​ലെ​ത്തി​യ കു​ടും​ബ​ത്തി​ന് ടി​ക്ക​റ്റ് ല​ഭി​ച്ചി​ല്ല. പി​ന്നീ​ട് ആ​ലു​വ​യി​ലെ​ത്തി മ​റ്റൊ​രു ട്രെ​യി​നി​ൽ യാ​ത്ര ചെ​യ്യ​ണ്ടി​വ​ന്നു.

ആ​ലു​വ റെ​യി​ൽ​വേ സ്‌​റ്റേ​ഷ​നോ​ട് ചേ​ർ​ന്നു​ള്ള ചൊ​വ്വ​ര റെ​യി​ൽ​വേ സ്റ്റേ​ഷ​നി​ൽ ടി​ക്ക​റ്റ് വി​ത​ര​ണ​മ​ട​ക്ക​മു​ള്ള കാ​ര്യ​ങ്ങ​ൾ ഇ​പ്പോ​ൾ സ്വ​കാ​ര്യ ഏ​ജ​ൻ​സി​യാ​ണ് കൈ​കാ​ര്യം ചെ​യ്യു​ന്ന​ത്. ഇ​തു​മൂ​ലം കു​ത്ത​ഴി​ഞ്ഞ അ​വ​സ്ഥ​യി​ലാ​ണ് പ്ര​വ​ർ​ത്ത​നം. നി​ര​വ​ധി യാ​ത്ര​ക്കാ​ർ​ക്ക് പ്ര​യോ​ജ​ന​മാ​യി​രു​ന്ന റെ​യി​ൽ​വേ സ്റ്റേ​ഷ​നോ​ട്​ അ​വ​ഗ​ണ​ന​യാ​ണ്. ക​മ്പ്യൂ​ട്ട​ർ സം​വി​ധാ​നം പോ​ലും സ്റ്റേ​ഷ​നി​ൽ ഇ​ല്ല.

കോ​ട്ട​യം-​നി​ല​മ്പൂ​ർ ഉ​ൾ​​പ്പെ​ടെ വി​വി​ധ പാ​സ​ഞ്ച​ർ ട്രെ​യി​നു​ക​ൾ​ക്ക് ഇ​വി​ടെ സ്റ്റോ​പ് അ​നു​വ​ദി​ച്ചി​ട്ടി​ല്ല. സാ​ധാ​ര​ണ​ക്കാ​രാ​യ നൂ​റു​ക​ണ​ക്കി​ന് ആ​ളു​ക​ളു​ടെ യാ​ത്രാ​മാ​ർ​ഗ​മാ​ണ് ഇ​തു​മൂ​ലം ഇ​ല്ലാ​താ​യ​ത്.

ചൊ​വ്വ​ര റെ​യി​ൽ​വേ സ്റ്റേ​ഷ​ന്‍റെ ദു​ര​വ​സ്ഥ​ക്ക് പ​രി​ഹാ​രം കാ​ണ​ണ​മെ​ന്നും കോ​ട്ട​യം-​നി​ല​മ്പൂ​ർ ഉ​ൾ​പ്പെ​ടെ പാ​സ​ഞ്ച​ർ ട്രെ​യി​നു​ക​ൾ​ക്ക് സ്റ്റോ​പ് അ​നു​വ​ദി​ക്ക​ണ​മെ​ന്നും പാ​സ​ഞ്ചേ​ഴ്സ് ഫോ​റം ആ​വ​ശ്യ​പ്പെ​ട്ടു.