വെള്ളക്കെട്ട്; വീട്ടു മതിലും കാർ പോർച്ചും സിറ്റൗട്ടും ഇടിഞ്ഞു

കടുങ്ങല്ലൂർ: മഴയെ തുടർന്നുള്ള വെള്ളക്കെട്ടുമൂലം വീടിൻ്റെ മതിലും, കാർ പോർച്ചും, സിറ്റൗട്ടും ഇടിഞ്ഞു. കടുങ്ങല്ലൂർ പഞ്ചായത്ത് 11-ാം വാർഡിൽ പൂതോളിൽ ഭാഗത്ത്, മൂലേപ്പാടത്ത് മധുസൂദനന്‍റെ വീടിൻ്റെ മതിലും, കാർ പോർച്ചും, സിറ്റൗട്ടുമാണ് കഴിഞ്ഞ ദിവസം ഇടിഞ്ഞത്.

വീടിന്‍റെ ചുറ്റും താഴ്ന്ന പ്രദേശങ്ങളിൽ വെള്ളക്കെട്ടുണ്ടായിരുന്നു. ഇതേ തുടർന്നാണ് മണ്ണ് ഇളകി ഉയർന്ന ഭാഗത്തുള്ള വീടിന്‍റെ മതിലടക്കം തകർന്നത്. വീടും അപകടാവസ്ഥയിലാണ്.

വാർഡ് അംഗം ഉഷ ദാസൻ, മുൻ അംഗം വി.കെ. ഷാനവാസ് എന്നിവർ സ്ഥലം സന്ദർശിച്ചു.