ആലുവ നഗരസഭ ഉപതെരഞ്ഞെടുപ്പ്; മുന്നണി സ്ഥാനാർഥികളായി

ആലുവ: നഗരസഭ ഉപതെരഞ്ഞെടുപ്പിനുള്ള മുന്നണി സ്ഥാനാർഥികളായി. ഇടത്, വലത്, ബി.ജെ.പി സ്ഥാനാർഥികളെയാണ് കഴിഞ്ഞ ദിവസം പ്രഖ്യാപിച്ചത്. 22-ാം വാർഡ് പുളിഞ്ചോടിലാണ് ഉപതെരഞ്ഞെടുപ്പ്. ജൂലൈ 21നാണ് ഉപതെരഞ്ഞെടുപ്പ്.

വിദ്യ ബിജു (യു.ഡി.എഫ്), കവിത അജിക്കുട്ടൻ (എൽ.ഡി.എഫ്), പി. ഉമാദേവി (എൻ.ഡി.എ) എന്നിവരെയാണ് മുന്നണികൾ സ്ഥാനാർഥികളാക്കിയിരിക്കുന്നത്. ഈ വാർഡിലെ കൗൺസിലറും നഗരസഭ വൈസ് ചെയർപേഴ്സനുമായിരുന്ന ജെബി മേത്തർ എം.പിയായതിനെ തുടർന്ന് രാജിവെച്ചതിനെ തുടർന്നാണ് ഉപതെരഞ്ഞെടുപ്പ് വേണ്ടി വന്നത്.