ആലുവ ജില്ല ആശുപത്രി: ഇൻഡോർ ഹൈഡ്രോ അക്വാട്ടിക് പൂൾ ഉടൻ തുറക്കും

ആ​ലു​വ: ജി​ല്ല ആ​ശു​പ​ത്രി​യി​ലെ ഇ​ൻ​ഡോ​ർ ഹൈ​ഡ്രോ അ​ക്വാ​ട്ടി​ക് പൂ​ളി​ന് ശാ​പ​മോ​ക്ഷ​മാ​കു​ന്നു. ഉ​ദ്ഘാ​ട​നം ക​ഴി​ഞ്ഞ്​ ര​ണ്ടു​വ​ർ​ഷം പി​ന്നി​ട്ടി​ട്ടും തു​റ​ക്കാ​ത്ത പൂ​ളി​ന്റെ അ​റ്റ​കു​റ്റ​പ്പ​ണി ആ​രം​ഭി​ച്ചി​ട്ടു​ണ്ട്.ഈ ​മാ​സം 30ന​കം അ​റ്റ​കു​റ്റ​പ്പ​ണി പൂ​ർ​ത്തീ​ക​രി​ച്ച് പൂ​ൾ തു​റ​ന്നു​കൊ​ടു​ക്കു​മെ​ന്നാ​ണ് അ​റി​യു​ന്ന​ത്.ആ​ശു​പ​ത്രി​യി​ൽ പ്ര​വ​ർ​ത്തി​ക്കു​ന്ന, സം​സ്ഥാ​ന​ത്തെ പൊ​തു​മേ​ഖ​ല​യി​ലെ ആ​ദ്യ ഹീ​മോ​ഫീ​ലി​യ സെ​ന്‍റ​റി​നോ​ട് അ​നു​ബ​ന്ധി​ച്ചാ​ണ് ഇ​ൻ​ഡോ​ർ ഹൈ​ഡ്രോ അ​ക്വാ​ട്ടി​ക് പൂ​ൾ നി​ർ​മി​ച്ച​ത്.

ഹീ​മോ​ഫീ​ലി​യ രോ​ഗി​ക​ൾ​ക്ക് ‘ജ​ല​ചി​കി​ത്സ’ ന​ട​ത്താ​നാ​ണി​ത്. 11ത​രം വ്യാ​യാ​മ​ങ്ങ​ൾ ഇ​തി​ൽ ചെ​യ്യാ​നാ​കും. 48ല​ക്ഷം രൂ​പ ചെ​ല​വ​ഴി​ച്ചാ​ണ് പൂ​ൾ നി​ർ​മി​ച്ച​ത്. സം​സ്ഥാ​ന​ത്തെ ആ​ദ്യ ഇ​ൻ​ഡോ​ർ ഹൈ​ഡ്രോ അ​ക്വാ​ട്ടി​ക് പൂ​ളാ​ണി​ത്. അ​ൻ​വ​ർ സാ​ദ​ത്ത് എം.​എ​ൽ.​എ​യു​ടെ ആ​സ്തി വി​ക​സ​ന ഫ​ണ്ടി​ൽ​നി​ന്ന് 28 ല​ക്ഷ​വും ജി​ല്ല പ​ഞ്ചാ​യ​ത്ത് അ​നു​വ​ദി​ച്ച 20 ല​ക്ഷ​വും ചെ​ല​വ​ഴി​ച്ചാ​യി​രു​ന്നു നി​ർ​മാ​ണം. പൂ​ൾ 2021 ഫെ​ബ്രു​വ​രി 15നാ​ണ് ഉ​ദ്ഘാ​ട​നം ചെ​യ്ത​ത്.

എ​ന്നാ​ൽ, നി​ർ​മാ​ണ​ത്തി​ലെ ത​ക​രാ​ർ മൂ​ലം ഇ​തു​വ​രെ ഇ​ൻ​ഡോ​ർ പൂ​ൾ പ്ര​വ​ർ​ത്ത​നം ആ​രം​ഭി​ച്ചി​ട്ടി​ല്ല. ര​ണ്ടു​ല​ക്ഷ​ത്തോ​ളം രൂ​പ​യാ​ണ് അ​റ്റ​കു​റ്റ​പ്പ​ണി​ക്കാ​യി ചെ​ല​വ് പ്ര​തീ​ക്ഷി​ക്കു​ന്ന​ത്.

പൂ​ളി​ന്റെ നാ​ലു​വ​ശ​വും ര​ണ്ട് അ​ടി​യോ​ളം വീ​തി​യി​ലും ആ​റ് ആ​ടി​യോ​ളം ആ​ഴ​ത്തി​ലും മ​ണ്ണ് നീ​ക്കി​യ​ശേ​ഷ​മാ​ണ് പൂ​ളി​ന്റെ ചോ​ർ​ച്ച ക​ണ്ടെ​ത്തി​യ​ത്. ഇ​വി​ടെ ചോ​ർ​ച്ച ത​ട​യു​ന്ന​തി​നാ​വ​ശ്യ​മാ​യ പ്ര​വ​ർ​ത്ത​നം ന​ട​ത്തി. തു​ട​ർ​ന്ന് പൂ​ളി​ൽ വെ​ള്ളം നി​ർ​ത്തി​യ​ശേ​ഷം ചോ​ർ​ച്ച ഇ​ല്ലെ​ന്ന് ഉ​റ​പ്പാ​ക്കി​യി​ട്ട് മ​ണ്ണി​ട്ട് തോ​ട് മൂ​ടും. തു​ട​ർ​ന്ന് ഇ​ള​ക്കി​യ ഭാ​ഗ​ത്തെ​ല്ലാം വീ​ണ്ടും ടൈ​ൽ വി​രി​ക്ക​ണം.