പായൽ നിറഞ്ഞ് ഫോർട്ട്​കൊച്ചി കടൽത്തീരം

ഫോ​ർ​ട്ട്കൊ​ച്ചി: രാ​ഷ്ട്ര​പി​താ​വ് മ​ഹാ​ത്മാ​ഗാ​ന്ധി​യു​ടെ നാ​മ​ധേ​യ​ത്തി​ലു​ള്ള ഫോ​ർ​ട്ട്​​കൊ​ച്ചി ക​ട​ൽ​ത്തീ​രം പാ​യ​ലു​ക​ൾ​കൊ​ണ്ട് നി​റ​യു​ന്നു. ഒ​ഴു​കി​വ​രു​ന്ന പാ​യ​ലു​ക​ൾ തി​ര​ക​ൾ അ​ടി​ച്ച് ക​ര​യി​ൽ ക​യ​റ്റു​ക​യും ഇ​വ തീ​ര​ത്ത് കി​ട​ന്ന് ചീ​യു​ക​യു​മാ​ണ്. ക​ട​പ്പു​റം കാ​ണാ​നെ​ത്തു​ന്ന സ​ഞ്ചാ​രി​ക​ൾ​ക്കാ​ക​ട്ടെ ഇ​ത് മ​നം മ​ടു​പ്പി​ക്കു​ന്ന കാ​ഴ്ച​യാ​യി മാ​റു​ക​യാ​ണ്. പാ​യ​ൽ മാ​ലി​ന്യം നീ​ക്കു​ന്ന​തി​നു​ള്ള ന​ട​പ​ടി ഇ​ല്ലാ​ത്ത​ത് മൂ​ലം തീ​രം നി​റ​യു​ക​യു​മാ​ണ്. ഇ​താ​ക​ട്ടെ ഇ​ഴ​ജ​ന്തു​ക്ക​ൾ​ക്ക് താ​വ​ളം തീ​ർ​ക്കു​ക​യാ​ണ്.

നേ​ര​ത്തേ പാ​യ​ൽ നീ​ക്കു​ന്ന​തി​ന് മ​ണ്ണു​മാ​ന്തി​യ​ന്ത്രം ഏ​ർ​പ്പെ​ടു​ത്തു​മാ​യി​രു​ന്നു. എ​ന്നാ​ൽ, ഇ​ക്കു​റി അ​തി​നു​ള്ള ന​ട​പ​ടി​യാ​യി​ട്ടി​ല്ല. ടൂ​റി​സ്റ്റ് സീ​സ​ൺ ആ​രം​ഭി​ച്ച​തോ​ടെ വി​ദേ​ശി​ക​ൾ അ​ട​ക്ക​മു​ള്ള സ​ഞ്ചാ​രി​ക​ൾ എ​ത്തി​ത്തു​ട​ങ്ങി​യി​ട്ടു​ണ്ട്. ക​ട​ൽ​ത്തീ​രം ശു​ചീ​ക​രി​ക്കു​ന്ന​തി​നു​ള്ള ന​ട​പ​ടി ഉ​ണ്ടാ​ക​ണ​മെ​ന്ന് ടൂ​റി​സ്റ്റ് ഗൈ​ഡു​ക​ളും നാ​ട്ടു​കാ​രും ആ​വ​ശ്യ​പ്പെ​ടു​ന്ന​ത്.