കഞ്ചാവ് കേസിൽ പ്രതിക്ക് 10 മാസം കഠിനതടവ്​

മ​ഞ്ചേ​രി: ക​ഞ്ചാ​വു​മാ​യി പി​ടി​യി​ലാ​യ യു​വാ​വി​ന് 10 മാ​സ​വും 19 ദി​വ​സ​വും ക​ഠി​ന​ത​ട​വും 20,000 രൂ​പ പി​ഴ​യും ശി​ക്ഷ വി​ധി​ച്ചു. എ​റ​ണാ​കു​ളം പ​ള്ളു​രു​ത്തി സ്വ​ദേ​ശി മാ​ളി​യേ​ക്ക​ൽ വീ​ട്ടി​ൽ സി​ജാ​സി​നെ​യാ​ണ് (30) മ​ഞ്ചേ​രി എ​ൻ.​ഡി.​പി.​എ​സ് ജ​ഡ്ജി ടി.​ജി. വ​ർ​ഗീ​സ് ശി​ക്ഷി​ച്ച​ത്.

പി​ഴ​ത്തു​ക അ​ട​വാ​ക്കി​യി​ല്ലെ​ങ്കി​ൽ ഒ​രു മാ​സം അ​ധി​ക ത​ട​വും അ​നു​ഭ​വി​ക്ക​ണം. 2018 സെ​പ്റ്റം​ബ​ർ ഒ​മ്പ​തി​നാ​ണ് കേ​സി​നാ​സ്പ​ദ​മാ​യ സം​ഭ​വം. വൈ​കീ​ട്ട് 6.15ന് ​തി​രൂ​ർ റെ​യി​ൽ​വേ സ്റ്റേ​ഷ​നി​ൽ​നി​ന്ന് ര​ണ്ടു കി​ലോ ക​ഞ്ചാ​വു​മാ​യി തി​രൂ​ർ എ​ക്സൈ​സ് ഇ​ൻ​സ്പെ​ക്ട​റാ​യി​രു​ന്ന പി.​എ​ൽ. ബി​നു​കു​മാ​റി​ന്‍റെ നേ​തൃ​ത്വ​ത്തി​ലു​ള്ള എ​ക്സൈ​സ് സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

വി​ചാ​ര​ണ ന​ട​ക്കു​ന്ന സ​മ​യ​ത്ത് പ്ര​തി റി​മാ​ന്‍ഡി​ൽ ക​ഴി​യു​ക​യാ​യി​രു​ന്നു. റി​മാ​ൻ​ഡ് കാ​ലാ​വ​ധി ശി​ക്ഷ​യി​ൽ ഇ​ള​വ് ചെ​യ്യാ​നും കോ​ട​തി ഉ​ത്ത​ര​വി​ട്ടു. പ്ര​തി​യെ ത​വ​നൂ​ർ സെ​ൻ​ട്ര​ൽ ജ​യി​ലി​ലേ​ക്ക് അ​യ​ച്ചു. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. പി. ​സു​രേ​ഷ് ഹാ​ജ​രാ​യി.