ട്രാവലർ ആംബുലൻസാക്കി അബ്​ദുന്നാസർ

കിഴക്കമ്പലം: പഞ്ചായത്തിലെ അമ്പുനാട് വാര്‍ഡില്‍ കോവിഡ് ബാധിതരുടെ എണ്ണം വര്‍ധിച്ചതോടെ സ്വന്തം വാഹനം രൂപമാറ്റം വരുത്തി ആംബുലന്‍സ് ആക്കിയിരിക്കുകയാണ് പുക്കാട്ടുപടി സ്വദേശി ബ്ലൂലൈന്‍ ട്രാവല്‍സ് ഉടമ മരോട്ടിക്കല്‍ അബ്​ദുന്നാസര്‍.

കോവിഡ് പോസിറ്റിവാകുന്ന രോഗികളെ ആശുപത്രിയില്‍ എത്തിക്കാനും തിരികെ വീട്ടിലെത്തിക്കാനുമാണ് വാഹന​ം ഉപയോഗിക്കുക.

പഞ്ചായത്ത് ഭരണസമിതി തിരിഞ്ഞുനോക്കാതിരിക്കുകയും രോഗികള്‍ ദുരിതത്തിലാവുകയും ചെയ്തതോടെയാണ്​ വാഹനം രൂപമാറ്റം വരുത്തി മുന്‍ പഞ്ചായത്ത് പ്രസിഡൻറ്​ നേതൃത്വം നല്‍കുന്ന വാര്‍ഡ് സമിതിയെ ഏല്‍പിച്ചത്.