Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightകരുതലിെൻറ കൈപിടിച്ച്,...

കരുതലിെൻറ കൈപിടിച്ച്, കടലോളം സ്നേഹം നിറച്ചൊരു യാത്ര

text_fields
bookmark_border
കരുതലിെൻറ കൈപിടിച്ച്, കടലോളം സ്നേഹം നിറച്ചൊരു യാത്ര
cancel

കൊ​ച്ചി: റ​ഹ്​മത്ത് ബീ​വി​യെ​യും​കൊ​ണ്ട് സാ​ഗ​ര​റാ​ണി ക​പ്പ​ൽ ക​ട​ൽ​ക​ട​ന്നി​രു​ന്നെ​ങ്കി​ൽ ല​ക്ഷ​ദ്വീ​പി​ലെ കു​ട്ടി​ക്കാ​ല ക​ളി​മു​റ്റ​ത്താ​കും അ​വ​രി​റ​ങ്ങു​ക. മി​ന്നി​മ​റ​യു​ന്ന പ​ഴ​യ ഓ​ർ​മ​ക​ൾ​ക്കി​ടെ​യി​ലും ക​രു​ത​ലിെൻറ കൈ​പി​ടി​ച്ച് അ​വ​ൾ ക​ര​കാ​ണാ​ക്ക​ട​ലി​ലേ​ക്ക് നോ​ക്കി. അ​ൽ​പം ദൂ​ര​ത്താ​യി ല​ക്ഷ​ദ്വീ​പി​ൽ​നി​ന്നു​ള്ള ക​പ്പ​ൽ ക​ട​ന്നു​വ​രി​ക​യാ​ണ്. അ​വി​ടേ​ക്ക് ചൂ​ണ്ടി പീ​സ്​​വാ​ലി പ്രോ​ജ​ക്ട് കോ​ഓ​ഡി​നേ​റ്റ​ർ സാ​ബി​ത്ത് നാ​ടിെ​ന​ക്കു​റി​ച്ച് പ​റ​ഞ്ഞ​പ്പോ​ൾ മാ​ന​സി​ക വ​ള​ർ​ച്ച​യെ​ത്താ​ത്ത ആ 32​കാ​രി​യു​ടെ ക​ണ്ണു​ക​ളി​ൽ സ​ന്തോ​ഷ​ത്തിെൻറ തി​ര​യി​ള​ക്കം.

പ​ണ്ട് അ​ഗ​ത്തി ദ്വീ​പിെൻറ തീ​ര​ത്തെ ത​െൻറ ഓ​ല​പ്പു​ര​യി​ൽ​നി​ന്ന്​ ഇ​ട​ക്കി​ടെ ക​ട​ലി​ലേ​ക്ക് ഇ​റ​ങ്ങി​പ്പോ​കു​മാ​യി​രു​ന്നു റ​ഹ്​മത്ത്. ഉ​മ്മ​യു​ടെ​യും ഉ​പ്പ​യു​ടെ​യും വി​യോ​ഗ​ശേ​ഷം തു​ണ​യി​ല്ലാ​താ​യ​പ്പോ​ഴാ​ണ് പീ​സ് വാ​ലി സം​ര​ക്ഷ​ണ​മേ​റ്റെ​ടു​ത്ത​ത്. കോ​ത​മം​ഗ​ലം പീ​സ് വാ​ലി സാ​മൂ​ഹി​ക മാ​ന​സി​ക പു​ന​ര​ധി​വാ​സ കേ​ന്ദ്ര​ത്തി​ലെ അ​നാ​ഥ​രും അ​ഗ​തി​ക​ളു​മാ​യ 60ഓ​ളം പേ​ർ​ക്ക് വേ​ണ്ടി ഒ​രു​ക്കി​യ ക​ട​ൽ യാ​ത്ര​യി​ലാ​യി​രു​ന്നു ഈ ​കാ​ഴ്ച​ക​ൾ. ആ​ദ്യ​മാ​യി ക​ണ്ട ക​ട​ൽ​കാ​ഴ്ച​ക​ളി​ൽ അ​വ​ർ​ക്ക് സ​ന്തോ​ഷ​മ​ട​ക്കാ​നാ​യി​ല്ല.

കേ​ര​ള ഷി​പ്പി​ങ് ആ​ൻ​ഡ് ഇ​ൻ​ലാ​ൻ​ഡ് നാ​വി​ഗേ​ഷ​ൻ കോ​ർ​പ​റേ​ഷ​ൻ സ​ഹ​ക​ര​ണ​ത്തോ​ടെ സാ​ഗ​ര​റാ​ണി ക്രൂ​യി​സ് ക​പ്പ​ലി​ൽ ഒ​രു​ക്കി​യ യാ​ത്ര​ക്ക് എം.​ഡി എ​ൻ. പ്ര​ശാ​ന്ത് തു​ട​ക്കം കു​റി​ച്ചു. അ​ടു​ത്തി​രു​ന്ന് സം​സാ​രി​ച്ച​പ്പോ​ൾ അ​ദ്ദേ​ഹ​ത്തിെൻറ കൈ​ക​ളി​ൽ ത​ലോ​ടി​യും വി​ശേ​ഷം തി​ര​ക്കി​യു​മാ​ണ് ഡൗ​ൺ​സി​ൻ​ഡ്രോം ബാ​ധി​ത​യാ​യ ന​സീ​മ സ​ന്തോ​ഷം പ​ങ്കി​ട്ട​ത്. 'ഉ​മ്മ​യെ​വി​ടെ' എ​ന്ന് തി​ര​ക്കി​യ​പ്പോ​ൾ മാ​സ​ങ്ങ​ൾ​ക്ക് മു​മ്പ് പീ​സ് വാ​ലി സ​ന്ദ​ർ​ശ​ന വേ​ള​യി​ൽ പ​രി​ച​യ​പ്പെ​ട്ട ഐ​ഷു​മ്മ അ​ദ്ദേ​ഹ​ത്തി​ന് മു​ന്നി​ലെ​ത്തി കെ​ട്ടി​പ്പി​ടി​ച്ച് വി​ശേ​ഷ​ങ്ങ​ൾ പ​റ​ഞ്ഞു. ജീ​വി​തം ലോ​ക്​​ഡൗ​ണി​ൽ ആ​യ​വ​ർ​ക്ക് ന​മ്മു​ടെ ദൈ​നം​ദി​ന അ​നു​ഭ​വ​ങ്ങ​ൾ പ​ക​ർ​ന്ന് ന​ൽ​കാ​നു​ള്ള ശ്ര​മം സ​മാ​ന​ത​ക​ളി​ല്ലാ​ത്ത ന​ന്മ​യാ​ണെ​ന്നു എ​ൻ. പ്ര​ശാ​ന്ത് പ​റ​ഞ്ഞു.

27 വ​ർ​ഷ​മാ​യി കി​ട​ക്ക​യി​ൽ ജീ​വി​ക്കു​ന്ന ഷൈ​മോ​ൾ​ക്കും വീ​ൽ​ചെ​യ​റി​ൽ സ​ഞ്ച​രി​ക്കു​ന്ന വി​നാ​യ​ക​നും പു​തി​യ അ​നു​ഭ​വ​മാ​യി​രു​ന്നു യാ​ത്ര. സ​ഹോ​ദ​ര​ങ്ങ​ളാ​യ പ​ത്മ​നാ​ഭ​നും മു​ര​ളി​യും പ​ല​ത​വ​ണ ഡെ​ക്കി​ൽ എ​ത്തി പ​ര​സ്പ​രം വി​ദൂ​ര​ത​യി​ലേ​ക്ക് ചൂ​ണ്ടി​ക്കാ​ട്ടു​ന്നു​ണ്ടാ​യി​രു​ന്നു. മാ​ന​സി​ക വെ​ല്ലു​വി​ളി നേ​രി​ടു​ന്ന സൂ​സ​മ്മ​യും മ​ക​ൻ എ​ൽ​ദോ​സും വീ​ട്ടി​ലേ​ക്കു​ള്ള വ​ഴി അ​ന്വേ​ഷി​ച്ച് ക​പ്പ​ലി​നു​ള്ളി​ലൂ​ടെ ന​ട​ന്ന​ത് നൊ​മ്പ​ര​ക്കാ​ഴ്ച​യാ​യി. ഹൈ​കോ​ർ​ട്ട് ജെ​ട്ടി​യി​ൽ​നി​ന്ന്​ പു​റ​പ്പെ​ട്ട് അ​ന്താ​രാ​ഷ്​​ട്ര ക​പ്പ​ൽ ചാ​ൽ​വ​രെ പോ​യാ​ണ് മ​ട​ങ്ങി​യെ​ത്തി​യ​ത്. വീ​ണു​പോ​യ​വ​രെ ചേ​ർ​ത്തു​നി​ർ​ത്തു​ന്ന അ​ജ​ണ്ട​യാ​ണ് ത​ങ്ങ​ൾ പൂ​ർ​ത്തി​യാ​ക്കു​ന്ന​തെ​ന്ന് പീ​സ് വാ​ലി ചെ​യ​ർ​മാ​ൻ പി.​എം. അ​ബൂ​ബ​ക്ക​ർ പ​റ​ഞ്ഞു. പ്രോ​ഗ്രാം കോ​ഓ​ഡി​നേ​റ്റ​ർ എം.​എം. ഷം​സു​ദ്ദീ​ൻ, ഓ​ൾ കേ​ര​ള വീ​ൽ​ചെ​യ​ർ റൈ​റ്റ്സ് ഫെ​ഡ​റേ​ഷ​ൻ സം​സ്ഥാ​ന സെ​ക്ര​ട്ട​റി രാ​ജീ​വ്‌ പ​ള്ളു​രു​ത്തി എ​ന്നി​വ​രും പ​ങ്കെ​ടു​ത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Boat service
News Summary - A journey full of love to the sea, holding the hand of care
Next Story