922 പേർക്ക് കോവിഡ്

കൊച്ചി: ജില്ലയിൽ 922 പേർക്കുകൂടി കോവിഡ് സ്ഥിരീകരിച്ചു. സമ്പർക്കംവഴി 902 പേരും രോഗ ഉറവിടമറിയാത്ത 14 പേരും അഞ്ച് ആരോഗ്യ പ്രവർത്തകരും രോഗബാധിതരായി. കോവിഡ് സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 8388 ആണ്. രോഗസ്ഥിരീകരണ നിരക്ക് 9.31 ശതമാനം. 484 പേർ രോഗമുക്തി നേടി. 1608 പേരെക്കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. വീടുകളിൽ നിരീക്ഷണത്തിലുള്ളവരുടെ ആകെ എണ്ണം 35392 ആണ്. സർക്കാർ-സ്വകാര്യ മേഖലകളിൽനിന്നായി 9901 സാമ്പിളുകൾകൂടി പരിശോധനക്ക് അയച്ചിട്ടുണ്ട്. വ്യാഴാഴ്ച 27008 ഡോസ് വാക്സിനാണ് വിതരണം ചെയ്തത്. കഞ്ചാവ്​ കടത്തിയതിന്​ നാലുവർഷം തടവും പിഴയും attn kochi തൊടുപുഴ: കഞ്ചാവ് കടത്തിക്കൊണ്ടുവന്ന കേസിൽ മട്ടാഞ്ചേരി ചക്കാമഠം കല്ലറക്കൽപറമ്പ് വീട്ടിൽ നിസാറിന്​ (36) നാലുവർഷം കഠിന തടവും ഒരു ലക്ഷം രൂപ പിഴയും വിധിച്ചു. പിഴയടച്ചില്ലെങ്കിൽ ഒരു വർഷംകൂടി തടവ് അനുഭവിക്കണം. 2015 ആഗസ്​റ്റ്​ 14നാണ് കേസിനാസ്പദമായ സംഭവം. കുട്ടിക്കാനം സ്വകാര്യ ബസ് സ്​റ്റാൻഡി​ൻെറ മുൻവശത്തുനിന്ന് 1.470 കിലോ കഞ്ചാവുമായി നിസാറിനെ പീരുമേട് എക്‌സൈസ് ഇൻസ്‌പെക്ടറായിരുന്ന എം.കെ. പ്രസാദും സംഘവും പിടികൂടിയിരുന്നു. പ്രോസിക്യൂഷനുവേണ്ടി സ്‌പെഷൽ പബ്ലിക് പ്രോസിക്യൂട്ടർ ബി. രാജേഷ് ഹാജരായി.