60 ശതമാനം സംവരണത്തിനെതിരെ ഹരജി

കൊച്ചി: സെന്‍റർ​ ഫോർ കണ്ടിന്യൂയിങ്​​ എജുക്കേഷൻ കേരളക്ക്​ (സി.സി.ഇ.കെ)​ കീഴിൽ സിവിൽ സർവിസ്​ ഉദ്യോഗാർഥികൾക്ക്​ പരിശീലനം നൽകുന്ന പൊന്നാനിയിലെ ഇൻസ്റ്റിറ്റ്യൂട്ട്​ ഓഫ് കരിയർ സ്റ്റഡീസ് ആൻഡ്​​ റിസർച്ചിൽ (ഐ.സി.എസ്.ആർ) 50 ശതമാനം സീറ്റുകൾ മുസ്​ലിം​​ വിഭാഗത്തിനായി സംവരണം ചെയ്ത നടപടി ​ചോദ്യം ചെയ്ത്​ ഹരജി. ഹൈകോടതി അഭിഭാഷകനായ അരുൺ റോയി നൽകിയ പൊതുതാൽപര്യ ഹരജിയിൽ ചീഫ് ജസ്റ്റിസ് അടങ്ങുന്ന ഡിവിഷൻ ബെഞ്ച്​ സർക്കാറിന്‍റെ വിശദീകരണം തേടി. മുസ്​ലിംകൾക്കായി 50 ശതമാനം സീറ്റുകൾ നീക്കിവെച്ചതിന് പുറമെ പട്ടികജാതി-വർഗ വിഭാഗങ്ങൾക്കായി 10 ശതമാനം സീറ്റുകളും സംവരണം ചെയ്തിട്ടുള്ളതായി ഹരജിയിൽ പറയുന്നു. ഇതിലൂടെ 50 ശതമാനം സംവരണം എന്ന പരിധി ലംഘിക്കപ്പെട്ടു. മുസ്​ലിം വിഭാഗത്തിന് ഫീസിളവും നൽകിയിട്ടുണ്ട്​. ഇത്തരത്തിൽ സംവരണം ഏർപ്പെടുത്തുന്നത് ഭരണഘടന വിരുദ്ധമാണെന്ന് പ്രഖ്യാപിക്കണമെന്നാണ് ഹരജിയിലെ ആവശ്യം.