4443 പേർക്ക് കോവിഡ്

കൊച്ചി: കോവിഡ് വ്യാപനം രൂക്ഷമായ ജില്ലയിൽ പുതുതായി 4443 പേർക്കുകൂടി കോവിഡ്. 6050 പേർ രോഗമുക്തരായി. പരിശോധന കുറഞ്ഞതാണ് രോഗികളുടെ എണ്ണം കുറയാൻ കാരണം. ജില്ലയില്‍ പ്രതിദിന കോവിഡ് ബാധിതരുടെ എണ്ണം വർധിക്കുമ്പോഴും കണക്കുകള്‍ കൃത്യമായി പുറത്തുവിടുന്നില്ല. അതിനാൽ രോഗസ്ഥിരീകരണ നിരക്ക് അടക്കമുള്ള വിവരങ്ങൾ പൊതുജനങ്ങൾക്ക് അറിയാനാവാത്ത സാഹചര്യമാണ്. ജില്ലയെ 'ബി' കാറ്റഗറിയിൽ ഉൾപ്പെടുത്തിയതോടെ മാനദണ്ഡങ്ങൾ ലംഘിക്കുന്നവർക്കെതിരെ കർശന നടപടികളുമായി മുന്നോട്ടുപോകുമെന്നാണ് അധികൃതർ നൽകുന്ന വിശദീകരണം.