10000 പേർ പങ്കെടുക്കുന്ന തീരനടത്തം സംഘടിപ്പിക്കും

വൈപ്പിൻ: സർക്കാറി‍ൻെറ 'ശുചിത്വസാഗരം സുന്ദരതീരം' പദ്ധതിയുടെ ജില്ല തല ഉദ്ഘാടനം 16ന് കുഴുപ്പിള്ളി ബീച്ചിൽ നിർവഹിക്കുമെന്ന് കെ.എൻ. ഉണ്ണികൃഷ്ണൻ എം.എൽ.എ. 10,000 പേരെ പങ്കെടുപ്പിച്ച് ആഘോഷിക്കാനാണ് ലക്ഷ്യമിടുന്നതെന്ന്​ പരിപാടികളുടെ ഉദ്​ഘാടന കൂടിയാലോചന സമിതി യോഗത്തിൽ അദ്ദേഹം പറഞ്ഞു. കടലിനെയും കടലോരത്തെയും പ്ലാസ്റ്റിക് മുക്തമാക്കുക എന്ന ഉദ്ദേശ്യത്തോടെയാണ് പദ്ധതി നടപ്പാക്കുന്നത്. സെപ്​റ്റംബർ 18ന് സംസ്ഥാന വ്യാപകമായി കടൽത്തീരം വൃത്തിയാക്കാനാണ് സർക്കാർ തീരുമാനം. ഇതിന്റെ പ്രചാരണാർഥമാണ് തീരനടത്തം.