കാരുണ്യ ലോട്ടറിയുടെ ഒന്നാം സമ്മാനമായ 80 ലക്ഷം പൊയ്ക്കാട്ടുശ്ശേരി സ്വദേശിക്ക്

ചെങ്ങമനാട്: കാരുണ്യ ലോട്ടറിയുടെ ഒന്നാം സമ്മാനമായ 80 ലക്ഷം അടിച്ചത് നെടുമ്പാശ്ശേരി പൊയ്ക്കാട്ടുശ്ശേരി കൊറ്റയത്ത് വീട്ടിൽ കെ.കെ. ഉണ്ണിക്ക്. നാട്ടുകാരനായ ഏജന്‍റ്​ കാരക്കാട്ടുകുന്ന് സ്വദേശി പീതാംബരന്‍റെ പക്കൽനിന്നാണ് ടിക്കറ്റ് എടുത്തത്. വിറ്റുതീരാൻ ബാക്കിയുണ്ടായ നാല്​ ടിക്കറ്റും സ്ഥിരം എടുക്കുന്ന ഉണ്ണിക്ക് പീതാംബരൻ നൽകുകയായിരുന്നു. നറുക്കെടുപ്പിന് അരമണിക്കൂര്‍ മുമ്പാണ് ഉണ്ണിക്ക് ലോട്ടറി ലഭിച്ചത്. ശ്വാസംമുട്ട് മൂലം വാർക്കപ്പണി നിർത്തി രണ്ടരവർഷമായി വീടിനടുത്ത് കടമുറി വാടകക്കെടുത്ത് പലചരക്ക് കച്ചവടം നടത്തിവരുകയാണ്. കച്ചവടത്തിനും മറ്റുമായി പലരിൽനിന്ന്​ വാങ്ങിയ പണം തിരിച്ചുകൊടുക്കാനാവാതെ വിഷമിക്കുന്നതിനിടയിലാണ് ലോട്ടറി അടിച്ചത്. EKG ANKA 1 LOTERY കാരുണ്യ ലോട്ടറിയുടെ ഒന്നാം സമ്മാനം ലഭിച്ച ഉണ്ണി