ജില്ലയിൽ 590 പേർക്ക് കോവിഡ്

കൊച്ചി: ജില്ലയിൽ ഞായറാഴ്ച 590 പേർക്ക് കോവിഡ് സ്ഥിരീകരിച്ചു. 606 പേർ രോഗ മുക്തി നേടി. ഞായറാഴ്ച 748 പേരെ കൂടി വീടുകളിൽ നിരീക്ഷണത്തിലാക്കി. രോഗ സ്​ഥിരീകരണ നിരക്ക്​ 7.04 ആണ്​. വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം 22,372 ആണ്. ജില്ലയിൽ കോവിഡ് രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 5943 ആണ്. ഞായറാഴ്ച ജില്ലയിൽനിന്നും കോവിഡ് 19 പരിശോധനയുടെ ഭാഗമായി സർക്കാർ സ്വകാര്യ മേഖലകളിൽ നിന്ന്​ 8375 സാമ്പിളുകൾ കൂടി പരിശോധനക്ക്​ അയച്ചിട്ടുണ്ട്.