കോവിഡ്: 40 സെക്ടറൽ മജിസ്ട്രേറ്റുമാർ

കൊച്ചി: കോവിഡ് നിയന്ത്രണങ്ങള്‍ ജില്ലയിൽ നടപ്പാക്കാന്‍ 40 സെക്ടറൽ മജിസ്ട്രേറ്റുമാരെ വിവിധ താലൂക്കുകളിലായി നിയമിച്ചതായി അഡീഷനൽ ജില്ല മജിസ്ട്രേറ്റ് എസ്. ഷാജഹാന്‍ അറിയിച്ചു. പ്രോട്ടോകോള്‍ ലംഘനങ്ങള്‍ക്കെതിരെ ദുരന്ത നിവാരണ നിയമത്തിന്‍റെയും പകർച്ചവ്യാധി പ്രതിരോധ നിയമത്തിന്‍റെയും അടിസ്ഥാനത്തിൽ കേസുകളെടുക്കുമെന്നും പിഴ ചുമത്തുന്നതടക്കമുള്ള നടപടികള്‍ സ്വീകരിക്കുമെന്നും എ.ഡി.എം അറിയിച്ചു. സംസ്ഥാന ദുരന്ത നിവാരണ അതോറിറ്റി ജില്ലയിൽ നിർദേശിച്ച പുതുക്കിയ നിയന്ത്രണങ്ങള്‍ വെള്ളിയാഴ്ച മുതല്‍ നിലവിൽ വരും.