കൊച്ചി വിമാനത്താവളത്തിൽ 35 ലക്ഷം രൂപയുടെ സ്വർണം പിടികൂടി

നെടുമ്പാശ്ശേരി: കൊച്ചി അന്താരാഷ്ട്ര വിമാനത്താവളത്തിൽ എയർ കസ്റ്റംസ് ഇന്‍റലിജൻസ് വിഭാഗം 35 ലക്ഷം രൂപയുടെ സ്വർണം പിടികൂടി. 677.700 തൂക്കമുള്ള സ്വർണക്കട്ടയാണ് കണ്ടെടുത്തത്. ഉണക്ക പഴവർഗങ്ങളും സ്റ്റേഷനറി സാധനങ്ങളും പാക്ക് ചെയ്തിരുന്ന കാർഡ്​ബോർഡ് പെട്ടിക്കകത്താണ് സ്വർണം ഒളിപ്പിച്ചിരുന്നത്. ചാവക്കാട് സ്വദേശി സുൽഫിക്കർ എന്ന യാത്രക്കാരനിൽനിന്നാണ് സ്വർണം കണ്ടെടുത്തത്. ഇയാൾ ദുബൈയിൽനിന്ന് എയർ ഇന്ത്യ എക്സ്പ്രസ് വിമാനത്തിലാണ് കൊച്ചിയിൽ ഇറങ്ങിയത്.