സംസ്​കൃത സർവകലാശാല: പി.ജി ക്ലാസ്​ 30ന് ആരംഭിക്കും

കാലടി: ശ്രീശങ്കരാചാര്യ സംസ്​കൃത സർവകലാശാലയിലെ ഒന്നാം സെമസ്റ്റർ പി.ജി ക്ലാസ്​ 30ന് ആരംഭിക്കും. പി.ജി പ്രവേശനത്തിന്‍റെ രണ്ടാംഘട്ട അലോട്ട്മെന്‍റ്​ 25ന് പ്രസിദ്ധീകരിക്കും. തെരഞ്ഞെടുക്കപ്പെട്ട വിദ്യാർഥികൾ 27, 28 തീയതികളിൽ പ്രവേശന നടപടികൾ പൂർത്തീകരിക്കണം. പ്രവേശന നടപടികൾ പൂർത്തിയായ വിദ്യാർഥികളുടെയും ഒഴിവുള്ള സീറ്റുകളുടെയും വിവരങ്ങൾ 30ന് വൈകീട്ട് അഞ്ചിന് മുമ്പ്​ സർവകലാശാല വെബ്സൈറ്റിൽ പ്രസിദ്ധീകരിക്കും.