റെനോ ഇന്ത്യ കൈഗർ മോഡൽ 22 കാർ പുറത്തിറക്കി

കൊച്ചി: ഇന്ത്യയിലെ മികച്ച യൂറോപ്യൻ ബ്രാൻഡായ റെനോ, നൂതന സവിശേഷതകളോടുകൂടിയ പുതിയ കൈഗർ എം.വൈ 22 കാർ വിപണിയിലിറക്കി. റെനോ ഇന്ത്യ സെയിൽസ് ആന്‍ഡ്​ മാർക്കറ്റിങ്​ വൈസ് പ്രസിഡന്‍റ്​ സുധീർ മൽഹോത്ര ​കൊച്ചിയിൽ നടന്ന ചടങ്ങിൽ കാർ പുറത്തിറക്കി. മൾട്ടി-സെൻസ് ഡ്രൈവിങ്​ മോഡുകൾ, മികച്ച റൂമിനെസ്, കാബിൻ സ്റ്റോറേജ്, കാർഗോ സ്‌പേസ് എന്നിവക്കൊപ്പം കാര്യക്ഷമമായ പ്രകടനവും വാഗ്​ദാനം ചെയ്യുന്നു. രണ്ട് എൻജിൻ ഓപ്ഷനുകളിൽ ലഭ്യമാണ്. ക്രൂയിസ് കൺട്രോൾ, വയർലെസ് സ്മാർട്ട്‌ഫോൺ ചാർജർ തുടങ്ങിയ സൗകര്യങ്ങൾ ഉൾപ്പെടുത്തിയിട്ടുണ്ട്. 20.5 കി.മീ എന്ന മികച്ച ഇന്ധനക്ഷമതയും വാഗ്​ദാനം ചെയ്യുന്നു. 5.84 ലക്ഷം മുതലാണ്​ വില.