ആശ വർക്കർമാരുടെ വേതനം 21,000 രൂപയായി ഉയർത്തണം

കൊച്ചി: ആശ വർക്കർമാരുടെ വേതനം 21,000 രൂപയായി ഉയർത്തണമെന്ന്​ ആശ വർക്കേഴ്​സ്​ യൂനിയൻ (സി.ഐ.ടി.യു) ആറാമത്​ ജില്ല സമ്മേളനം ആവശ്യപ്പെട്ടു. എം.സി. ​ജോസഫൈൻ നഗറിൽ (പപ്പൻ ചേട്ടൻ സ്മാരക ഹാൾ) നടന്ന സമ്മേളനം സി.ഐ.ടി.യു ജില്ല സെക്രട്ടറി പി.ആർ. മുരളീധരൻ ഉദ്​ഘാടനം ചെയ്​തു. ആശ വർക്കേഴ്​സ്​ യൂനിയൻ ജില്ല പ്രസിഡന്‍റ്​ എ.പി. ലൗലി അധ്യക്ഷതവഹിച്ചു. ജില്ല സെക്രട്ടറി ലിസി വർഗീസ്​ അവതരിപ്പിച്ച പ്രവർത്തന റിപ്പോർട്ടും​ ട്രഷറർ നിബി വർഗീസ്​ അവതരിപ്പിച്ച വരവുചെലവ്​ കണക്കും​ ചർച്ചചെയ്തു. ജില്ല പ്രസിഡന്‍റായി ടി. മായാദേവിയെയും ജില്ല സെക്രട്ടറിയായി ലിസി വർഗീസിനെയും തെരഞ്ഞെടുത്തു. ER T MAYADEVI ടി. മായാദേവി (ജില്ല പ്രസി) ER LISI VARGEES ലിസി വർഗീസ്​(ജില്ല സെക്ര)