'കഹോ​കോൺ -2022'ന്​ ഇന്ന്​ കൊച്ചിയിൽ തുടക്കം

കൊച്ചി: ആരോഗ്യപരിപാലന മേഖലയിലെ സ്ഥാപനങ്ങളുടെയും ഡയഗ്​​നോസ്റ്റിക് സെന്‍ററുകളുടെയും വ്യക്തികളുടെയും കൂട്ടായ്മയായ കൺസോർട്ട്യം ഓഫ് അക്രഡിറ്റഡ് ഹെൽത്ത്‌ കെയർ ഓർഗനൈസേഷന്‍റെ ആറാം അന്തർദേശീയ സമ്മേളനം 'കഹോ​കോൺ -2022' ശനി, ഞായർ ദിവസങ്ങളിൽ കൊച്ചിയിൽ നടക്കും. ബോൾഗാട്ടി ഗ്രാൻഡ് ഹയാത്ത് ഹോട്ടലിൽ ശനിയാഴ്ച രാവിലെ 11ന്​ ഗവർണർ ആരിഫ് മുഹമ്മദ്‌ ഖാൻ സമ്മേളനം ഉദ്ഘാടനം ചെയ്യും. രാജ്യത്തിനകത്തുനിന്നും വിദേശത്തുനിന്നുമായി 800ഓളം ആരോഗ്യവിദഗ്​ധർ പങ്കെടുക്കുമെന്ന് സമ്മേളനത്തിന് നേതൃത്വം നൽകുന്ന കിംസ് ഹെൽത്ത് ചെയർമാൻ ഡോ. എം.ഐ. സഹദുള്ള, ആലുവ രാജഗിരി ആശുപത്രി എക്സിക്യൂട്ടിവ് ഡയറക്ടർ ഫാ. ജോൺസൺ വാഴപ്പിള്ളി, ജൂബിലി മിഷൻ മെഡിക്കൽ കോളജ് സി.ഇ.ഒ ഡോ. ബെന്നി ജോസഫ്, ഡോ. വിജയ് അഗർവാൾ, ഡോ. ലല്ലു ജോസഫ് തുടങ്ങിയവർ വാർത്തസമ്മേളനത്തിൽ പറഞ്ഞു.