കോവിഡ്; വീണ്ടും 2000ത്തിനുമുകളിൽ

കൊച്ചി: ജില്ലയിൽ കോവിഡ് രോഗികളുടെ എണ്ണത്തിലെ കുതിപ്പ് തുടരുന്നു. 2394 പേർക്കാണ് വ്യാഴാഴ്ച രോഗം സ്ഥിരീകരിച്ചത്. 23.90 ശതമാനമാണ് രോഗസ്ഥിരീകരണ നിരക്ക് (ടി.പി.ആർ). പുതിയ രോഗികളിൽ 2381 പേരും സമ്പർക്കംവഴി രോഗം സ്ഥിരീകരിച്ചവരാണ്. അഞ്ചുപേർ മറ്റിടങ്ങളിൽ എത്തിയവരും ആറുപേർ ഉറവിടമറിയാത്തവരുമാണ്. 921 പേർ പുതുതായി രോഗമുക്തി നേടി. ബുധനാഴ്ച 2214 പേർക്ക് കോവിഡ് സ്ഥിരീകരിച്ചിരുന്നു. നിലവിൽ ജില്ലയിൽ കോവിഡ് സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 11,917 ആണ്. 2530 പേരെക്കൂടി പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 646 പേരെ നിരീക്ഷണപ്പട്ടികയിൽനിന്ന്​ ഒഴിവാക്കുകയും ചെയ്തു. വീടുകളിൽ നിരീക്ഷണത്തിലുള്ളവരുടെ ആകെ എണ്ണം 17347 ആണ്. നൽകിയത് 56,07,921 ഡോസ് വാക്സിൻ വ്യാഴാഴ്ച 28,021 ഡോസ് വാക്സിനാണ് വിതരണം ചെയ്തത്. ഇതിൽ 17320 ആദ്യ ഡോസും 7415 സെക്കൻഡ്​ ഡോസുമാണ്. കോവിഷീൽഡ് 11724 ഡോസും 16294 ഡോസ് കോവാക്സിനും മൂന്ന്​ ഡോസ് സ്പുട്നിക് വാക്സിനുമാണ് വിതരണം ചെയ്തത്. ആരോഗ്യ പ്രവർത്തകർക്കും മുന്നണിപ്പോരാളികൾ തുടങ്ങിയവർക്കുള്ള കരുതൽ ഡോസായി 3286 ഡോസ് വാക്സിനാണ് ഇന്നലെ വിതരണം ചെയ്തത്. ആകെ 10,975 ഡോസ് മുൻകരുതൽ ഡോസ് നൽകി. ജില്ലയിൽ ഇതുവരെ 5607921 ഡോസ് വാക്സിനാണ് നൽകിയത്. 31,03,504 ആദ്യ ഡോസ് വാക്സിനും 2493442 സെക്കൻഡ് ഡോസ് വാക്സിനും നൽകി. ഇതിൽ 49,94,921 ഡോസ് കോവിഷീൽഡും 596471 ഡോസ് കോവാക്സിനും 16529 ഡോസ് സ്പുട്നിക് വാക്സിനുമാണ്.