കളമശ്ശേരി നഗരസഭക്ക് 1.57 കോടി

കളമശ്ശേരി: നഗരസഞ്ചയ പ്രദേശങ്ങൾക്കുള്ള 14ാം കേന്ദ്ര ധനകാര്യ കമീഷ‍ൻെറ വിഹിതമായി നഗരസഭക്ക് 1.57 കോടി അനുവദിച്ചു. മാലിന്യം നീക്കം ചെയ്യുന്നതിന് ഇ-ഓട്ടോക്ക് 30 ലക്ഷം, ശുദ്ധജല വിതരണത്തിന് 1.2 കോടി, പൊതുകുളം സംരക്ഷിക്കുന്നതിന്​ 25 ലക്ഷവുമാണ് അനുവദിച്ചത്. ജോയന്‍റ്​ പ്ലാനിങ്​ കമ്മിറ്റി സമർപ്പിച്ച പദ്ധതിക്ക് ഈ മാസം നാലിന് ചേർന്ന ജില്ല ആസൂത്രണ സമിതി അംഗീകാരം നൽകിയെന്ന് സമിതി അംഗം ജമാൽ മണക്കാടൻ പറഞ്ഞു.