കെ.എസ്​.ആർ.ടി.സി ബസുകൾ ആക്രിവിലയ്​ക്ക്​: ഹരജി 14ലേക്ക്​ മാറ്റി

​കൊച്ചി: യാർഡിലും മറ്റും കിടന്ന് തുരു​മ്പെടുത്തു നശിക്കുന്ന കെ.എസ്.ആർ.ടി.സി ബസുകൾ ആക്രിവിലയ്​ക്ക്​ വിൽക്കാനുള്ള നീക്കം തടയണമെന്ന പൊതുതാൽപര്യ ഹരജി ഹൈകോടതി ജൂ​ൺ 14ന്​ പരിഗണിക്കാൻ മാറ്റി. ​വിവിധ ഡിപ്പോകളിലും ഡമ്പിങ്​ യാർഡുകളിലുമായി 2800 ബസുകൾ തുരുമ്പെടുത്തു നശിക്കുന്നത്​ ചൂണ്ടിക്കാട്ടി കാസർകോട് സ്വദേശി എൻ. രവീന്ദ്രൻ നൽകിയ ഹരജിയാണ്​ ചീഫ്​ ജസ്റ്റിസ്​ അടങ്ങുന്ന ഡിവിഷൻ ബെഞ്ച്​ മാറ്റിയത്​. ബസ് സർവിസ് പുനരാരംഭിക്കാനും ബസുകൾ നശിക്കുന്നതിൽ അന്വേഷണം നടത്തി കുറ്റക്കാരായ ഉദ്യോഗസ്ഥരെ ശിക്ഷിക്കാനും നടപടി ആവശ്യപ്പെട്ടാണ്​ ഹരജി.