വിജയ്​ ബാബുവിന്‍റെ ജാമ്യ ഹരജി 13ലേക്ക്​ മാറ്റി

കൊച്ചി: യുവനടിയെ പീഡിപ്പിച്ച കേസിൽ നടനും നിർമാതാവുമായ വിജയ് ബാബുവിന്‍റെ മുൻകൂർ ജാമ്യ ഹരജി ഹൈകോടതി ജൂൺ 13ന്​ പരിഗണിക്കാൻ മാറ്റി. അതുവരെ ഇടക്കാല മുൻകൂർ ജാമ്യം തുടരും. ക്വാറന്‍റീനിലായതിനാൽ സർക്കാറിനുവേണ്ടി ഹാജരാകുന്ന അഡീ. പ്രോസിക്യൂഷൻ ഡയറക്‌ടർ വാദത്തിന്​ കൂടുതൽ സമയം തേടിയതിനെ തുടർന്നാണ് ജസ്റ്റിസ് ബെച്ചു കുര്യൻ തോമസ് ഹരജികൾ മാറ്റിയത്. ഇരയുടെ പേര് ഫേസ് ബുക്ക് ലൈവിലൂടെ വെളിപ്പെടുത്തിയതിന് രജിസ്റ്റർ ചെയ്ത കേസിലും ഇയാൾ മുൻകൂർ ജാമ്യ ഹരജി നൽകിയിട്ടുണ്ട്. രണ്ട്​ കേസിലെയും മുൻകൂർ ജാമ്യ ഹരജികളാണ്​ കോടതിയുടെ പരിഗണനയിലുള്ളത്​. കഴിഞ്ഞ മാർച്ചിൽ രണ്ടുതവണ വിജയ് ബാബു പീഡിപ്പിച്ചെന്നാണ് നടിയുടെ പരാതി.