കോവിഡ് കൂടുന്നു; ഇന്നലെ 1214 പേർക്ക്

കൊച്ചി: ജില്ലയിൽ കോവിഡ് ബാധിതരുടെ എണ്ണം വർധിക്കുന്നു. ശനിയാഴ്ച 1214 പേർക്ക് രോഗം സ്ഥിരീകരിച്ചു. 12.25 ശതമാനമാണ് രോഗസ്ഥിരീകരണ നിരക്ക്. ഇതിൽ വിദേശം/ ഇതര സംസ്ഥാനത്തുനിന്ന്​ എത്തിയവർ നാലുപേരാണ്. 1198 പേർക്ക് സമ്പർക്കം വഴി രോഗം സ്ഥിരീകരിച്ചു. 502 പേരാണ് പുതുതായി രോഗമുക്തി നേടിയത്. 1086 പേർക്കാണ് വെള്ളിയാഴ്ച രോഗം സ്ഥിരീകരിച്ചത്. 928 ആയിരുന്നു വ്യാഴാഴ്ചത്തെ രോഗികളുടെ എണ്ണം. 1181 പേരെകൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 724 പേരെ നിരീക്ഷണപ്പട്ടികയിൽനിന്ന്​ ഒഴിവാക്കുകയും ചെയ്തു. വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം 11,748 ആണ്. ജില്ലയിൽ കോവിഡ് സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 6581 ആണ്.