വിദ്യാർഥിയെ മർദിച്ചു

പറവൂർ: മദ്യപിച്ചെത്തിയവർ . തുരുത്തിപ്പുറം പൊക്കത്തുപറമ്പിൽ സോമ‍ൻെറ മകൻ ശ്രീഹരിയെയാണ് (13) ബൈക്കിലെത്തിയ രണ്ടുപേർ ആക്രമിച്ചത്. ശനിയാഴ്ച വൈകീട്ട് അഞ്ചിനാണ് സംഭവം. തുരുത്തിപ്പുറം ചർച്ച് റോഡിലുള്ള പറമ്പിൽ കൂട്ടുകാർക്കൊപ്പം കളിക്കുകയായിരുന്നു ശ്രീഹരി. മദ്യലഹരിയിൽ എത്തിയ മടപ്ലാതുരുത്ത് സ്വദേശി ആഷ്​ലിയും കൂട്ടുകാരനും ചേർന്ന് ശ്രീഹരിയുടെ മുഖത്തും കാലിലും അടിച്ച് പരിക്കേൽപിക്കുകയായിരുന്നു. കുട്ടികൾ ഒച്ചവെച്ചതിനെ തുടർന്ന് അയൽവാസികൾ എത്തി. ഇവർക്ക് നേരെയും മദ്യപസംഘം തട്ടിക്കയറി. പിന്നീട് ബൈക്കിൽ കടന്നുകളഞ്ഞു. സംഭവത്തിൽ വടക്കേക്കര പൊലീസ് കേസെടുത്തു.