മൂക്കന്നൂർ കട്ടിങ്ങിൽ വന്യജീവികൾ കൃഷി നശിപ്പിച്ചു

അങ്കമാലി: മൂക്കന്നൂർ പഞ്ചായത്തിൽ വനത്തോട് ചേർന്ന ജനവാസകേന്ദ്രങ്ങളിൽ വന്യജീവിശല്യം രൂക്ഷം. കഴിഞ്ഞ ദിവസം കാട്ടാനക്കൂട്ടം സമീപത്തെ പറമ്പുകളിലെത്തി തെങ്ങ്, പ്ലാവ്, കവുങ്ങ് തുടങ്ങിയവയെല്ലാം നശിപ്പിച്ചു. ഒരാഴ്ചയായി ആനയിറങ്ങുന്നതായും കുട്ടികളടക്കം പലർക്കും തലനാരിഴക്കാണ് ജീവഹാനി ഒഴിവായതെന്നും സമീപവാസികൾ പറയുന്നു. കട്ടിങ് പുതുമനവീട്ടിൽ അലക്‌സി‍ൻെറ കൃഷിക്കാണ്​ കാട്ടുപോത്തുമൂലം നാശം കൂടുതലായുണ്ടായത്. പ്രദേശവാസികളുടെ ജീവനും സ്വത്തിനും സംരക്ഷണം നൽകാൻ വനം വകുപ്പ്​ അധികൃതർ ജാഗ്രത സ്വീകരിക്കണമെന്ന് സ്ഥലം സന്ദർശിച്ച പഞ്ചായത്ത്​ അംഗങ്ങളായ സിജി ജിജു, കെ.എസ്. മൈക്കിൾ എന്നിവർ ആവശ്യപ്പെട്ടു. EA ANKA 2 MOOKANNOOR മൂക്കന്നൂർ കട്ടിങ് ഭാഗത്തെ പുതുമന അലക്‌സി‍ൻെറ വീട്ടിലെത്തിയ കാട്ടുപോത്തുകൾ EA ANKA 3 MOOKANNOOR മൂക്കന്നൂർ കട്ടിങ് പ്രദേശത്ത് കാട്ടാനക്കൂട്ടം നശിപ്പിച്ച കൃഷി