കെ.എസ്.യു യോഗത്തിൽ ഇറങ്ങിപ്പോക്ക്

കൊച്ചി: വർഷങ്ങളായി പുനഃസംഘടനയില്ലെന്ന് ആരോപിച്ച് കെ.എസ്.യു യോഗത്തിൽ ഭാരവാഹികളുടെ ഇറങ്ങിപ്പോക്ക്. തൃക്കാക്കര നിയമസഭ തെരഞ്ഞെടുപ്പുമായി ബന്ധപ്പെട്ട് കെ.എസ്.യു നടത്തിയ യോഗത്തിലായിരുന്നു സംഭവം. സംസ്ഥാന പ്രസിഡൻറ് കെ.എം. അഭിജിത്ത്​ അടക്കമുള്ള നേതാക്കൾ പങ്കെടുത്തിരുന്നു. സംസ്ഥാന-ജില്ല കമ്മിറ്റികൾ ആറുവർഷമായി പുനഃസംഘടിപ്പിക്കുന്നില്ലെന്ന ആരോപണവുമായി ബ്ലോക്ക് പ്രസിഡൻറുമാരും ഭാരവാഹികളും ചേർന്നാണ് യോഗത്തിൽ നിന്ന് ​ഇറങ്ങിപ്പോയത്.