ഹജ്ജ് പഠനക്ലാസിന്​ തുടക്കം​

ആലുവ: ആലുവ ഹജ്ജ് സെല്ലി‍ൻെറ ആഭിമുഖ്യത്തിൽ സെൻട്രൽ ജുമാമസ്ജിദ് അങ്കണത്തിൽ ആരംഭിച്ച ഹജ്ജ് പഠനക്ലാസ്​ ഹജ്ജ് കർമശാസ്ത്ര പണ്ഡിതൻ അബൂബക്കർ അൽഖാസിമി പള്ളിക്കര ഉദ്​ഘാടനം ചെയ്തു. സമസ്ത കേരള ജംഇയ്യതുൽ ഉലമ ജില്ല സെക്രട്ടറി കെ.എം. ബഷീർ ഫൈസി അധ്യക്ഷത വഹിച്ചു. സമസ്ത സുന്നി യുവജന സംഘം ആലുവ ടൗൺ ജനറൽ സെക്രട്ടറി കെ.കെ. അബ്ദുല്ല ഇസ്​ലാമിയ, മസ്ജിദ് പരിപാലന സമിതി അംഗങ്ങളായ സെയ്ദ് മുഹമ്മദ് ഹാജി, കെ.കെ. അബ്ദുൽസലാം ഇസ്​ലാമിയ, അൻവർ ഹുസൈൻ മൗലവി, മുഹമ്മദ് അലീമുദ്ദീൻ മൗലവി എന്നിവർ സംസാരിച്ചു. ദിവസവും വൈകീട്ട് ഏഴുമുതൽ രാത്രി ഒമ്പതുവരെയാണ് ക്ലാസ്. ക്യാപ്‌ഷൻ ea yas6 hajj ഹജ്ജ് പഠനക്ലാസിന് അബൂബക്കർ അൽഖാസിമി പള്ളിക്കര നേതൃത്വം നൽകുന്നു