ശ്രീശങ്കര സ്മൃതികള്‍ ഉണര്‍ത്തി കാലടിയില്‍ മഹാപരിക്രമ

കാലടി: ശ്രീശങ്കര സ്മൃതികള്‍ ഉണര്‍ത്തി കാലടിയില്‍ മഹാപരിക്രമ നടന്നു. ശ്രീശങ്കര ജയന്തി ആഘോഷങ്ങളുടെ ഭാഗമായാണ് മഹാപരിക്രമ സംഘടിപ്പിച്ചത്. ഹര ഹര ശങ്കര, ജയ ജയ ശങ്കര നാമമന്ത്രം ചൊല്ലി ആയിരങ്ങള്‍ പങ്കെടുത്ത മഹാപരിക്രമ, ആദിശങ്കര കീര്‍ത്തിസ്തംഭ മണ്ഡപത്തില്‍നിന്ന്​ ആരംഭിച്ച് ശൃംഗേരിമഠം മുതലക്കടവില്‍ സമാപിച്ചു. ശ്രീശങ്കര വേഷമണിഞ്ഞ കുട്ടികള്‍, നിശ്ചല ദൃശ്യങ്ങള്‍, പഞ്ചവാദ്യം, ഭജനസംഘങ്ങള്‍ എന്നിവ ഘോഷയാത്രക്ക്​ മികവേകി. ആഘോഷ സമിതി പ്രവര്‍ത്തകരായ വി.കെ. വിശ്വനാഥന്‍, കെ.പി. ശങ്കരന്‍, മനു ആനന്ദ്, എസ്. വിജയന്‍, എസ്. സുനില്‍കുമാര്‍, വി.ബി. ത്യാഗരാജന്‍, മുരളീധരന്‍, ടി.എസ്. രാധാകൃഷ്ണന്‍ തുടങ്ങിയവര്‍ പരിപാടികള്‍ക്ക് നേതൃത്വം നല്‍കി. ചിത്രം: ശ്രീശങ്കര ജയന്തി ആഘോഷങ്ങളുടെ ഭാഗമായി കാലടിയില്‍ നടന്ന മഹാപരിക്രമ