ഹോട്ടല്‍ കുത്തിപ്പൊളിച്ച് പണം മോഷ്ടിച്ചയാൾ അറസ്റ്റില്‍

കൊച്ചി: ഹോട്ടല്‍ കുത്തിപ്പൊളിച്ച് പണം മോഷ്ടിച്ച കേസില്‍ പ്രതി അറസ്റ്റില്‍. ഫോര്‍ട്ട്​കൊച്ചി ഇലഞ്ഞിക്കല്‍ വീട്ടില്‍ ഫ്രാന്‍സിസാണ്​ (ഉണ്ടപ്രാഞ്ചി -65) എറണാകുളം സെന്‍ട്രല്‍ പൊലീസിന്‍റെ പിടിയിലായത്. എറണാകുളം സെന്‍റ്​ ബെനഡിക്ട്​ റോഡില്‍ സ്ഥിതി ചെയ്യുന്ന ഹോട്ടലില്‍ വ്യാഴാഴ്ച പുലര്‍ച്ചയാണ് കേസിനാസ്പദമായ സംഭവം നടന്നത്. കമ്പികൊണ്ട് ഹോട്ടലിന്‍റെ വാതില്‍ കുത്തിപ്പൊളിച്ച് അകത്തുകയറിയ പ്രതി വലിപ്പില്‍ ഉണ്ടായിരുന്ന പണം മോഷ്ടിക്കുകയായിരുന്നു. സമാന രീതിയിൽ മോഷണം നടത്തുന്നവരെ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്. EC prathi Francis -ഫ്രാന്‍സിസ്​