കുടിവെള്ള കുടിശ്ശിക; കണക്​ഷൻ വി​ച്ഛേദിക്കും

ആലുവ: കേരള ജല അതോറിറ്റി, പി.എച്ച് സബ് ഡിവിഷൻ, ആലുവയുടെ കീഴിലെ ആലുവ നഗരസഭ, എടത്തല, ചൂർണിക്കര, കീഴ്മാട്, യു.സി കോളജ് എന്നിവിടങ്ങളിൽ ഡിസ്കണക്​ഷൻ അറിയിപ്പ് നൽകിയിട്ടും കുടിശ്ശിക അടച്ചുതീർക്കാത്ത ഉപഭോക്താക്കളുടെ വാട്ടർ കണക്​ഷൻ മറ്റൊരു അറിയിപ്പ് കൂടാതെ വിച്ഛേദിക്കുമെന്ന് അസി. എക്സിക്യൂട്ടിവ് എൻജിനീയർ അറിയിച്ചു. കേടായ മീറ്റർ മാറ്റിവെക്കാത്തവർ പ്രസ്തുത മീറ്റർ മാറ്റിവെച്ചും കുടിശ്ശിക തവണകളായി വാങ്ങിയിട്ട് കൃത്യമായി അടക്കാത്തവർ ഉടൻ അടച്ചും വിച്ഛേദിക്കലിൽനിന്ന് ഒഴിവാകണമെന്നും അറിയിച്ചു.