പ്രതിരോധ കുത്തിവെപ്പ് വാരാചരണം

കോലഞ്ചേരി: എം.എസ്​സി നഴ്​സിങ്​ കോളജിലെ ചൈൽഡ് ഹെൽത്ത് നഴ്​സിങ്​ വിഭാഗവും എൻ.എസ്.എസ് യൂനിറ്റും ചേർന്ന് രോഗ പ്രതിരോധ കുത്തിവെപ്പ്​ വാരാചരണം നടത്തി. അംഗൻവാടി വർക്കർ വി.ജി. സുശീല അധ്യക്ഷത വഹിച്ചു. കൂരാച്ചി അംഗൻവാടിയിൽ ചൈൽഡ് ഹെൽത്ത് നഴ്​സിങ്​ വിഭാഗം മേധാവി ഗ്രേസ് കുര്യൻ, അസി. പ്രഫ. അൻസു മാളിയേക്കൽ, ലിൻസി ഐസക് എന്നിവർ ബോധവത്കരണ ക്ലാസ് നടത്തി. നഴ്​സിങ് വിദ്യാർഥികൾക്ക്​ ക്വിസ്‌ മത്സരവും സംഘടിപ്പിച്ചു.