സപ്ലൈകോ ഹെഡ് ഓഫിസ്​ മാർച്ച്​

കൊച്ചി: സപ്ലൈകോയുടെ വിൽപന കുറക്കുന്നതും സാമ്പത്തികനഷ്‌ടം ഉണ്ടാക്കുന്നതുമായ ഉത്തരവുകൾ പിൻവലിക്കുക, ജീവനക്കാരുടെ ശമ്പളപരിഷ്കരണം നടപ്പാക്കുക തുടങ്ങിയ ആവശ്യങ്ങളുന്നയിച്ച് സപ്ലൈകോ എംപ്ലോയീസ് അസോസിയേഷൻ (എ.ഐ.ടി.യു.സി) സംസ്ഥാന കമ്മിറ്റി സപ്ലൈകോ ഹെഡ് ഓഫിസിലേക്ക് മാർച്ചും ധർണയും നടത്തി. സംസ്ഥാന പ്രസിഡന്‍റ്​ പി. രാജു ഉദ്ഘാടനം ചെയ്‌തു. എ.എച്ച്.എം. അഷ്​റഫ് അധ്യക്ഷത വഹിച്ചു. എ.ഐ.ടി.യു.സി ജില്ല സെക്രട്ടറി കെ.എൻ. ഗോപി, ജില്ല ജോയൻറ് സെക്രട്ടറി ടി.സി. സൻജിത്ത്, യൂനിയൻ സംസ്ഥാന ജനറൽ സെക്രട്ടറി സുരേഷ് മുഖത്തല, സംസ്ഥാന ജോയന്‍റ്​ സെക്രട്ടറി വി. വിനോദ്, രജീഷ് രവീന്ദ്രൻ, എസ്. ശ്രീജിത്ത്, റസിൽ രവീന്ദ്രൻ, കെ.എസ്. ദിൽഷാദ്, ടി.പി. ബിജുകുമാർ എന്നിവർ സംസാരിച്ചു.