ഹരിദാസിന്‍റേത്​ രാഷ്ട്രീയ കൊലപാതകമല്ല -കെ. സുരേന്ദ്രൻ

മാവേലിക്കര: പിണറായിയിലെ ഹരിദാസിന്‍റേത്​ രാഷ്ട്രീയ കൊലപാതകമല്ലെന്ന്​ ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ. മാവേലിക്കരയിൽ ബി.ജെ.പി ജില്ല നേതൃപഠനശിബിരം ഉദ്​ഘാടനത്തിന്​ എത്തിയ അദ്ദേഹം മാധ്യമപ്രവർത്തകരോട്​ സംസാരിക്കുകയായിരുന്നു. മുഖ്യമന്ത്രിയുടെ വീടിനടുത്ത്​ സംഭവിച്ച കൊലപാതകത്തിന്‍റെ യഥാർഥകാരണം അന്വേഷിക്കണം. സി.പി.എമ്മുകാർതന്നെ കൊല്ലുന്നതാണോ, അവർതന്നെ സംരക്ഷിക്കുകയാണോ എന്ന നിലയിലാണ്​. ബി.ജെ.പി മണ്ഡലം പ്രസിഡന്‍റ്​ ഉൾപ്പെടെയുള്ളവരെ മനഃപൂർവം കള്ളക്കേസിൽ കുടുക്കുകയായിരുന്നു. കേസിലെ പ്രതികളെ മുഖ്യമന്ത്രിക്ക്​ വേണ്ടപ്പെട്ടവരാണ്​ സംരക്ഷിക്കുന്നത്​. ഒരുസ്ത്രീയെ ജയിലിൽനിന്ന്​ ഇറക്കുമ്പോൾ സ്വീകരിക്കാൻ പോകുന്നതല്ല​ പ്രധാനപ്രശ്​നം. ഫേസ്​ബുക്ക്​ പരിശോധിച്ചാൽ പിണറായി വിജയനെ പ്രകീർത്തിക്കുകയും സി.പി.എമ്മിനെ ഹൃദയത്തിൽവെച്ച്​ ആരാധിക്കുകയും ചെയ്യുന്ന മാർക്സിസ്​റ്റ്​ പാർട്ടിയുടെ ആളുകളാണെന്ന്​ മനസ്സിലാകും. ഇതിനെ എന്തിനാണ്​ ബി.ജെ.പിയുമായി കൂട്ടിക്കുഴക്കുന്നത്​. ഇതിന്​ ഉത്തരം പറയേണ്ടത്​ കണ്ണൂരിലെ മാർക്സിസ്റ്റ്​​​ പാർട്ടി നേതാക്കളാണെന്നും സുരേന്ദ്രൻ പറഞ്ഞു.