ലോറിയിടിച്ച്​ സ്കൂട്ടർ യാത്രികൻ മരിച്ചു

ചാരുംമൂട്: ചാരുംമൂട് ടൗണിലെ സിഗ്​നൽ പോയന്റിൽ ലോറിയിടിച്ച സ്കൂട്ടർ യാത്രികൻ ചെങ്ങന്നൂർ ചെറിയനാട് ശ്രീവിലാസത്തിൽ ജയകുമാർ​ (50) മരിച്ചു. ശനിയാഴ്ച രാത്രി 10.30 ഓടെയായിരുന്നു അപകടം. ചുനക്കര ഭാഗത്തേക്ക് തിരിഞ്ഞ സ്കൂട്ടറിൽ കെ.പി റോഡിലൂടെ പുനലൂർ ഭാഗത്തേക്ക് വന്ന ലോറി ഇടിക്കുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാനായില്ല. ടൗണിൽ കുടിവെള്ള പൈപ്പ് മാറ്റിയതിന്റെ ഭാഗമായി സ്പീഡ് ബ്രേക്കറുകൾ സ്ഥാപിച്ചിരുന്നു. ഇത് അപകടകാരണമായതായി പറയുന്നുണ്ട്. ഭാര്യ: അജിത. മക്കൾ: അഞ്ജലി, അഞ്ജു.