സി.വി. പാപ്പച്ചന്‍ അവാര്‍ഡ് റെജി ജോസഫിന്

കൊച്ചി: എറണാകുളം പ്രസ്‌ ക്ലബ് 'കോവിഡും അതിജീവനവും' വിഷയത്തിൽ ഏര്‍പ്പെടുത്തിയ സി.വി. പാപ്പച്ചന്‍ അവാര്‍ഡിന് 'ദീപിക' കോട്ടയം സ്‌പെഷല്‍ കറസ്‌പോണ്ടന്‍റ്​ റെജി ജോസഫ് അര്‍ഹനായി. 'കോവിഡ് അതിജീവനം കേരള മോഡല്‍' എന്ന പരമ്പരയാണ് അവാര്‍ഡിന് അര്‍ഹനാക്കിയത്. ഭാര്യ: ആഷ്‌ലി. മക്കൾ. ആഗ്​നസ്, അൽഫോൻസ്. 'സുപ്രഭാതം' ദിനപത്രത്തിൽ 'അടച്ചുപൂട്ടൽ ഗതിമുട്ടിച്ച ജീവിതങ്ങൾ' പരമ്പര തയാറാക്കിയ കൊച്ചി സീനിയര്‍ റിപ്പോർട്ടര്‍ സുനി അല്‍ഹാദി ജൂറിയുടെ പ്രത്യേക പരാമര്‍ശത്തിന് ​അര്‍ഹയായി. 'മാധ്യമം' കൊച്ചി റെസിഡൻറ് എഡിറ്റർ എം.കെ.എം. ജാഫറാണ് ഭർത്താവ്. മകൾ: ഐസ അനാം. 'മലയാള മനോരമ' അസി. എഡിറ്റർ എസ്‌. ഹരികൃഷ്‌ണൻ, 'ദേശാഭിമാനി' ന്യൂസ്‌ എഡിറ്റർ ആർ. സാംബൻ എന്നിവരുൾപ്പെട്ട സമിതിയാണ്‌ അവാർഡ്‌ ജേതാക്കളെ തെരഞ്ഞെടുത്തത്‌. ഞായറാഴ്ച വൈകീട്ട് പ്രസ്‌ക്ലബ്ബില്‍ നടക്കുന്ന ചടങ്ങില്‍ പുരസ്‌കാരം നൽകും. EKG REJI JOSEPH EKG SUNI ALHADI