പി രാജീവ് അനുശോചിച്ചു

കൊച്ചി: ജോൺ പോളിന്‍റെ മരണം മലയാള ചലച്ചിത്ര-സാംസ്കാരിക ലോകത്തിനാകെ തീരാനഷ്ടമാണെന്ന് വ്യവസായ മന്ത്രി പി.രാജീവ് പറഞ്ഞു. മലയാള സിനിമ എന്നും ഓർക്കുന്ന ഒട്ടനവധി സിനിമകൾ അദ്ദേഹത്തിന്‍റെ തൂലികയിൽനിന്ന് പിറന്നവയാണ്​. അവസാനമായി കണ്ടപ്പോഴും അദ്ദേഹം ജീവിതത്തിലേക്ക് തിരിച്ചുവരുമെന്ന ഉറച്ച പ്രതീക്ഷയായിരുന്നു ഡോക്ടർമാർ പങ്കുവെച്ചത്. മലയാള സിനിമാ ലോകത്തുണ്ടായിരിക്കുന്ന ഈ വിടവ് ആരാലും നികത്തപ്പെടുകയില്ലെന്ന്​ അനുശോചന സന്ദേശത്തിൽ അദ്ദേഹം പറഞ്ഞു.