അയൽക്കൂട്ടങ്ങൾക്ക് പച്ചക്കറിവിത്ത് നൽകി

പല്ലാരിമംഗലം: സർക്കാർ കാർഷിക വികസന കർഷകക്ഷേമ വകുപ്പ് നടപ്പാക്കുന്ന 'ഞങ്ങളും കൃഷിയിലേക്ക്' പദ്ധതിയിൽ ഉൾപ്പെടുത്തി കുടുംബശ്രീ അയൽക്കൂട്ടങ്ങൾക്ക് നൽകുന്ന പച്ചക്കറി വിത്ത് വിതരണം പല്ലാരിമംഗലം പഞ്ചായത്ത് 12ാം വാർഡിൽ വൈസ് പ്രസിഡന്‍റ്​ ഒ.ഇ. അബ്ബാസ് ഉദ്ഘാടനം ചെയ്തു. സി.ഡി.എസ് അംഗം ഷാജിത സാദിഖ് അധ്യക്ഷത വഹിച്ചു. എ.ഡി.എസ് സെക്രട്ടറി സുലൈഖ മുഹ്​യിദ്ദീൻ, എ.ഡി.എസ് അംഗങ്ങളായ മൈമൂനത്ത് മുഹമ്മദ്, ബീപ്പി, സഫീറ റഹീം, ടി.എസ്. ഫർസാന, കെ.പി. നിസമോൾ, ഹലീമ നാസർ എന്നിവർ സംസാരിച്ചു.