സി.ഐയുടെ സസ്‌പെൻഷൻ പിൻവലിച്ചത്​ പ്രതിഷേധാർഹം –എം.എൽ.എ

ആലുവ: നിയമവിദ്യാർഥിനി മൊഫിയ പർവീൻ ആത്മഹത്യ ചെയ്ത സംഭവത്തിൽ സസ്​പെൻഷനിലായിരുന്ന ആലുവ ഈസ്‌റ്റ് പൊലീസ് സ്റ്റേഷനിലെ സർക്കിൾ ഇൻസ്പെക്ടറുടെ സസ്​പെൻഷൻ പിൻവലിച്ചത് പ്രതിഷേധാർഹമാണെന്ന് അൻവർ സാദത്ത് എം.എൽ.എ. മുഖ്യമന്ത്രി പിണറായി വിജയനെ പ്രതിഷേധം അറിയിച്ചിട്ടുണ്ട്​. സി.ഐക്കെതിരെ ആത്മഹത്യ പ്രേരണക്കുറ്റത്തിന് പുനരന്വേഷണം നടത്തി പ്രതിചേർത്ത് പുതുക്കിയ കുറ്റപത്രം തയാറാക്കണമെന്നും എം.എൽ.എ ആവശ്യപ്പെട്ടു.