കഞ്ചാവുമായി യുവാവ് പിടിയിൽ

കൊച്ചി: യുവാവ് കഞ്ചാവുമായി പൊലീസ് പിടിയിലായി. തമ്മനം ചക്കരപ്പറമ്പിൽ തയ്ക്കൽ വീട്ടിൽ ബെൻസൻ ബെന്നിയാണ്​ (30) പിടിയിലായത്. വീട്ടിലെ സോഫ സെറ്റിക്ക് അടിയിലായി ഒളിപ്പിച്ച നിലയിലായിരുന്നു കഞ്ചാവ്. 2.18കിലോ കഞ്ചാവാണ് ഇയാളിൽനിന്ന് പിടിച്ചെടുത്തത്. സി.ഐ സനൽ, എസ്.ഐമാരായ രതീഷ്, അഖിൽദേവ്, എസ്.സി.പി.ഒമാരായ രതീഷ്, വർഗീസ്, മാഹിൻ എന്നിവരുടെ സംഘമാണ് പ്രതിയെ പിടികൂടിയത്.